一星期的新開始
今朝早送老公返工
見到佢笑得開心
我都好開心
同老公食早餐
打打氣
快樂可以好簡單
I LOVE U
2010年2月25日 星期四
雲南之旅~~day 5
17-2-2010 (年初四)
麗江---->深圳機場---->香港
最後一日行程喇，今日要搭下午六點十機飛深圳，我地 2 PAIR昨晚已講好，今日大家分開自由活動，因為過去幾日，每天都好早起身，最後一日，大家瞓晏D，我同老公大約十點起身，執好行李後先退房，行李由放在客棧保管，我同老公出發lu..
***
早餐+午餐，老公唔想再食古城D野，我地都係揀返呢間酒店食，穩陣D
先嘆返杯茶，好正
椰子雞湯，可能連埋雞皮煲，老公話太肥，唔好飲
竹笙蒸豆腐，清清地
噢.....超肥燒鵝....慘不忍睹...
炒生菜
帶子大蝦炒飯，炒飯我可以食好多，老公成日禁住我，驚我食得太多會胃痛
食飽飽後，我地在古城四處行下，買手信啦，下午茶，老公帶我食多次
我最愛果碗米線，最後，我地上左觀景台，由高處望麗江古城，
由過千間客棧構成的圖晝，另一番味道!!呢幅圖晝，為今次雲南麗江
之旅晝上完美句號，妙極，妙極!!
2010年2月22日 星期一
雲南之旅~~day 4
16-2-2010 (大年初三)
西雙版納---->麗江
今日行程非常緊迫，我地包左架車全日去兩個景點，我地要搭下午17:25機回麗江，我同老公大約7點起身，執好行李後去左食早餐，酒店包自助早餐，唔好期望太高，我同老公一人食左碗白粥，當清清腸胃..哈哈，只要同老公一齊，無論食咩都甘開心哩^^
準時八點半出發喇，先去左第一個景點，熱帶雨林區，參觀幾百年的樹，有D表演睇下，呢棵樹六百幾年，D根好粗
2010年2月21日 星期日
雲南之旅~~day 3
15-2-2010 (大年初二)
麗江古城---->玉龍雪山----->西雙版納
今日係我最期待的一日，因為要上海拔4505米玉龍雪山哩，行程好緊密，上完雪山，我地今日要搭17:25飛去西雙版納，所以今朝我地6:30要起身，執好d行李，老公同我去左食米線做早餐，好..我地準時7:30出發lu..去相..
早餐(又係呢碗米線)，老公同我未天光就食，食飽飽先上雪山
由山下望上雪山
雲南之旅~~day 2
14-02-2010(大年初一加情人節)
麗江古城---->拉市海
今年好特別，大年初一加情人節，今早起身後我地四個人一齊食早餐，雲南米線，呢度d米線好好食架，食飽飽後我地去第一個景點，拉市海，騎馬，噢..嚇C我，我第一次騎馬，隻腳仔都唔敢合埋，俾老公笑，騎住隻馬上山下山，騎左差不多一個鐘，個PAT PAT好痛呀，BB本來條腰痛，騎完後唔痛lu..登到咩都鬆哂，笑C我，之後好肚餓，我地就出發搵晏食，今日係大年初一，食開年飯哩，飯後自由活動，我同BB騎完馬好累，返左客棧午睡...瞓醒都7點，我地去左搵飯食，慶祝今晚情人節..我同老公日日都係情人節，日日都甘恩愛哩，哈哈
是曰早餐，就日呢碗米線，令我果幾日，日日都要老公同我食，好味
騎馬仔
是日午餐，開年飯
老 公搵左呢間酒店同我食情人節晚餐，老公仲話十年後我地再黎麗江要住呢間酒店
正~~
2010年2月20日 星期六
雲南之旅~~day 1
Day 1
13-02-2010 (年三十)
深圳機場---->雲南麗江
今年農曆新年，好開心，同BB拍拖兩年幾，第一次搭飛機去旅行，可以黏住老公5日，真係十個開心，十個興奮，我真係有好幾晚開心到瞓唔著，
登登登登…出發喇!!
今朝早起身由屋企出發，之前book定架7人車直達到深圳機場，好舒服，全程唔洗落車過關，我地搭兩點幾機，大約六點零到達麗江，之後就出發到麗江古城，check in後就響古城內食團年飯，晚飯後到酒吧街飲酒，大約十一點半我同老公返客棧休息，兩口子對住電視倒數迎接虎年，so sweet..
我們住的客棧
我地住樓下，朋友住樓上
房內，我地第一次住客棧哩
酒吧街，古城入面什麼都貴，我地入左其中一間酒吧飲，喜力$50一支，最少叫一打，仲貴過香港呀..
訂閱：
文章 (Atom)