巴黎倫敦自由行DAY 6(B)

巴黎倫敦自由行DAY 6

 行程 : 歐洲之星--->倫敦車路士史丹福橋--->歐聯八強車路士對賓菲加





繼續第6天的行程

上回講到今晚的重頭係睇車路士對賓菲加，場波開晚上7:30

咁我地先去食晚餐先，套票係包埋今晚的晚餐，都係響車路士酒店入面的餐廳食

入到去有一本場刊




menu




由窗口望落去己經有好多賓菲加球迷







又影下我地住的酒店

估唔到呢間餐廳水準唔錯，好味啊

洋蔥湯




紅酒

老公的牛扒，好味啊




我點的爐魚，好味




我聽到好嘈又走去窗口八下，原來有旅遊車經過，唔知係咪作客球員呢~

甜品

cheese cake

最後係什果雪糕

食完晚餐之後就返上房換球迷衫準備入球喇

 

有電視台採訪作客球迷

 

騎警

 

好威風

狗警察

開始好熱鬧

主場球迷都開始多，我地都早D入場影下相




好多人呀

 

入場

擺張飛入去嘟一嘟

我地個位都好近，加上睇夜晚波...真係好高清

每個位都送支主場旗幟...支旗我拎埋返黎香港...哈哈

球員開始熱身


 

 

 

趁未開波我地又周圍參觀下，球場內都有博彩公司可以下注

我地無投注呀

賣紀念品的地方

老公買熱狗比我食

開波喇，影張大合照先

2011-12年度歐洲聯賽冠軍盃

當時呢場係八強

一開波就玩人海喇，氣氛好熱烈

之後我都有去曼聯主場睇波，但氣氛真係同呢場無得比

作客的球迷幾乎未停過打氣，叫喊唱歌真係未停過

主場球迷真係好肉緊，球員踢得唔好真係會鬧得好勁

如果球員交波交得好又會掌聲鼓勵...總之就係好肉緊

車仔球迷幾乎未停過唱會歌

車路士首歌真係幾易上口，後期我同老公都跟住大合唱

門將施治

當作客開角球，作客球迷剛剛響正果邊，D歡呼聲真係好勁

 

聽日join左tour，會參觀車路士球場....當然唔少得入去禁地....就係球員休息室...請留意下一篇

哎呀...賓菲加球員粗獷攔截...比球証趕左出場...佢地要打少個

最搞笑當被趕球員離開球場時...全場車路士球迷一齊同佢講BYE BYE...真係好搞笑，平時響電視睇唔到呢D情景

車路士獲得一個十二碼

由林伯特主射搞惦

 

入波喇，一片旗海

氣氛非常正

就算同周邊的球迷唔識都會GIVE ME FIVE

大家一齊YEAH YEAH YEAH



 

作客球迷就係得個角落，橙色個D就係佢地喇

完場喇，呢場波比數係2-1，都好開心呀有3個入球睇

車路士憑呢場成功殺入歐聯4強

在此我熱烈祝賀喜車路士首次奪得歐聯冠軍

2011-12 歐聯冠軍得主車路士

由我懂欣賞足球開始一直都係車路士的粉絲

作為球迷見到車路士圓夢歐聯我真係好感動

決賽當晚我見到藍戰士永不放棄的精神，力戰到最後一刻

結果成功奪得冠軍，我真係好感動好開心

我呢個小球迷有幸在八強時親身在現場為藍戰士打氣

在此我要多謝我最愛的老公為我圓夢

其實我老公係阿仙奴支持者，但比我慢慢感染到鐘意左少少車路士

同老公一齊在歐洲睇波真係一個好好好寶貴的回憶

多謝老公送我這珍貴的回憶

散場後騎警好威風呀

當見到有球迷想搞事就連人帶馬一齊沖過去

想搞事都難...好型呀

隻馬都有警察衫

 

睇完波都十一點，我地就返酒店休息喇，加上今日搭火車由巴黎過黎都好累就無再出去喇

DAY 6 完

巴黎倫敦自由行DAY 6(A)

巴黎倫敦自由行 DAY 6

行程 : 歐洲之星--->倫敦車路士史丹福橋--->歐聯八強車路士對賓菲加




來到旅程的第6天，我地會轉到倫敦

曾經講過我同老公都係英超球迷，而我更加係車路士的粉絲

我曾經說過...我有一個小小的夢想

如果能夠同老公在現場欣賞英超賽事...我一定會好開心好開心...

今日的夢想經以實現

是日我地來到今次旅程的重頭戲

我地會入場欣賞歐洲聯賽八強....車路士對賓菲加

能夠在現場欣賞歐聯八強真係好震撼...

開始行程...



***



我地由巴黎乘坐歐洲之星到倫敦

早上起床都係一樣到酒店地庫的早餐

食完早餐執好行李後就check out喇

因為我地有好多行李，實在唔方便自己搭車去車站

咁就叫大堂職員就幫我地call taxi

請注意...原來在巴黎電召的士係由接電話就開始起錶



****



因為來到倫敦在酒店落的士時我漏左部新相機無拎...

有部份在早上的相片無左...所以d相唔太齊...

好在d相老公每日都有back up，仲有我帶左兩個相機

所以都無唔開心...

但響英國篇d相會無咁靚，無所謂啦...都收貨




****




我地到左車站喇

在香港已經上網買好票，好方便啊




我地先要出法國境

好快就行到去入英國境

噢...見到英國旗太親切喇

入境時都會問下你問題...去幾多日...住邊同去英國做咩...

搞好哂手續仲有d時間就周圍行下

響呢間買左少少手信




夠鐘上歐洲之星喇

由巴黎到倫敦只需兩小時




歐洲之星

坐位非常舒適，每個坐位都有插蘇位可供叉電

我地一早準備左午餐響火車上午膳

係咪好豐富呢?...hehe

 

每卡都會有小食部，坐到累可以行下




都有幾多食物賣，我無幫襯呀..

 

兩個多小時後就到左倫敦喇

一落車就見到奧運標誌

我地搭的士前往車路士酒店

倫敦的士

仲有一個行李放在車頭

有CCTV錄影

的士上提供叉電器




嗚嗚....我就無漏左相樹響呢架的士，當我好快知道時已經聯絡左酒店幫我地找的士台問下..

可惜無回音啊，我以後落車都會回頭望下有無漏野

我地就入住呢間車路士酒店

酒店就無響球場旁，好近好方便

老公係買套票，套票包4日3夜的酒店住宿、波飛、同埋3日的早餐

酒店行去地鐵站都係15分鐘




Check in完我地就上房，因為剛知道遺失相機所以房間無心機影相

房間唔錯呀，都幾舒適同幾大

拎完房後我地先去換波飛

車路士對賓菲加

車路士酒店分新同舊，左邊舊d...我住的右邊係新d

周圍參觀下

地圖

見到咁多球員海報我已經開始好興奮

售票處

2012歐聯

大門口有個賣紀念物的專門店，行到入去都有一間(呢間大好多)

我都有入去買d球衣入場打氣著

球場門口




繼續沿球場外圍參觀

下一場主場係車路士對韋根

參觀完球場我地行左出去買D日用品

呢區係屬於豪宅區，周圍D屋都好靚

天氣麻麻地




巧遇賓菲加球迷

買完日用品我地返左酒店準備巴晚餐喇

食完飯先換球迷衫

 

場波開夜晚7:30，5點幾已經有球迷準備喇

待續.....