2012年9月25日 星期二

新電話@iP5

 






上年出的小白要退休喇
http://blog.yahoo.com/heidichris/articles/40191/category/me+%26+bb


知道iphone5出時老公已經諗住會幫我換機

一開始接受登記時老公已經上台訂購

結果當然係無問題啦,第2日已經收到通知接受申請

上台零機價,簽多2年約

同老公一人一部

佢黑我白

黑色真係好型呀

上星期日已經收到機

老公尋晚幫我過返D資料落新機

正式用左一日

嘩!!!!真係快左好多,好爽

買左個新套同貼




多謝哂老公





2012年9月24日 星期一

焦糖脆脆忌廉戚風蛋糕







自從愛上烘焙後忙左好多呀

時間一下子好似唔多夠用

上星期煮完飯食飽...洗好哂碗諗住坐下睇巴不得媽媽

點知我老公話想同我整蛋糕

佢想食咖啡味戚風做早餐

難得老公有興趣我當然奉陪

咁佢就負責打蛋白,估唔到老公仲打得好過我

兩公婆有時咁樣都好恩愛

仲有呀...我尋日老公已經買左新焗爐比我

係樂信牌,有23公升

係朋友介紹我話好用,平平地玩下真係唔錯

講返今次呢個焦糖脆脆忌廉戚風蛋糕

係我上星期去元朗探老友,佢有3個千金架

咁我就整個有得玩又有得食的蛋糕

焦糖脆脆係由小朋友負責放上蛋糕度,佢地玩得都幾開心

最重要係朋友話個蛋糕好好味,好香呀

不枉我花了成3個鐘整,焦糖脆脆都係我自己整架

食譜係上網找的



先整左個原味戚風先







次次見到蛋糕升起都好開心




蛋糕焗好後要放涼

咁我就整左焦糖脆脆先

材料有粟膠、砂糖、梳打粉




煮的過程全程大約係10分鐘







脆脆的食譜我係跟呢個
http://shirleyliving.mysinablog.com/index.php?op=ViewArticle&articleId=1413827

好成功,但超甜,有機會再整一定要減糖先得





蛋糕放涼後我就開始打忌廉

我第一次打,又搞得惦




查好cream喇,第一次算唔錯

脆脆用食物袋包好食先放落去




入好盒我就出發搭西鐵入元朗喇,個蛋糕好新鮮




似唔似美心的天使蛋糕?

焦糖脆脆係由小朋友放上去裝飾,玩得好開心




去到先知原來二囡兩星期後生日,咁就梗係要慶祝啦






好味又好玩的蛋糕


 

 

 
老公呷醋佢無得食呀,笑C我






2012年9月17日 星期一

烘焙初體驗


 





一路以黎我都好想買焗爐,可惜我做任何事都係兩分鐘熱度

所以老公遲遲唔肯買焗爐,兩個月前同奶奶無意提起

原來奶奶有部全新焗爐收埋響灶底,以前申請信用卡送的

就係咁我拎左黎用,個焗爐雖然只有上火下火無度數教,都唔緊要,我用焗爐唔係佢用我

其實我係唔鐘意甜品,朱古力放響我面前我係唔會主動拎黎食

忌廉係好憎食,好怕甜

美術天份更加係零雞蛋

咁點解我會揀做蛋糕呢???

由細到大我都好急性子

樣樣都想快

心好散,成日未做完呢樣又想做另一樣

正正烘焙能改善我以上的缺點

做蛋糕你想急都急唔黎,蛋白發多一分鐘質感都會唔同左

焗多一分鐘個蛋糕可能會燶哂

呢兩個月我的烘焙係由零開始,由本來咩工具都無,現在隨時要焗曲奇蛋糕都無問題

現在我相信興趣係可以培養

本來我真係零興趣,經過呢兩個月的烘焙生涯

我已經真心愛上整蛋糕

痴線到經過親餅店都會睇下D蛋糕裝飾係點

由最初咩都唔識,上網同睇youtube睇書自學

最初係由焗曲奇開始,慢慢先開始焗蛋糕

成功焗到出爐果刻真係好有成功感,好開心架

最重要係得到屋企人同老公的讚賞

我就係愛上左呢種感覺

雖然我未真正愛上甜,但我全部都有試食

但真係食唔多,我係愛上整的過程

我目前目標係...能夠做出美麗又美味的生日蛋糕送比我愛的家人同朋友

我最大目標係,能夠做出美麗的3D立體蛋糕

唔講咁多,同大家分享下我呢兩個月的作品

全部都係自學架







*************




第一擊

我係先試最簡單的蛋撻

最初都唔敢買個靚磅,是旦買個$15蚊用住先




牛油皮




唔係好識入模




準備焗




真係唔合格




唔好食



 

 

 

 

****************





第2擊

由於之前的蛋撻唔成功

我第2日立即再做過





今次雖然個樣都唔係好靚,但味道都唔錯





老公都食左一個(佢唔鐘意)

其餘拎哂比媽媽同佢地d同事,佢地話好好味,牛油好香(都唔知真定假)







**************




第3擊

諗住整定鬆餅比老公做早餐

當然又係衰左,好難食呀

蜂蜜牛油鬆餅




材料




準備入爐




入左爐一陣就捨哂,裝得太滿了





唔識講,真係好鬆

老公比面食左一件,其餘比我掉左








***********



第4擊

雖然每次都係失敗,但我仲未放棄

今次係我首次焗曲奇

原來印模曲奇一d都唔簡單

轆得太簿會好易散




開始轆牛油皮

支麵棍我專登買$8




印得好辛苦,現在比我再做會做得更好








老公食左2件(佢話好味)

其餘送左比小朋友食





呢批焗到燶哂






************



第5擊

今次係首次做唧花曲奇

上網話用呢隻金牛油好香好滑





真係好滑




我開始落本喇,買左個電子磅$128

仲買左支把鬼曲奇槍,真係唔好買呀,用唔到,用唧花袋仲好




打一大輪




篩粉




準備入曲奇槍




真係把鬼槍,得一粒見得人




出爐喇,係好香

我老公話太肥只係食左一粒

我都係覺得太肥又係試左一粒

其餘比哂阿媽同d同事

佢地話超級好味同超香,好鐘意食



 

 

 

 

 

**********




第6擊

我見雪櫃仲有3分1金牛油

咁就整多一次唧花曲奇比阿媽同同事食

大家睇下,我又買左新成員...電動打蛋器$148

原來用打蛋器打過的牛油比起手打真係香好多




入唧袋






用唧袋好用好多




我唧架,學下咁啦,當練習






今次唔得喇,下陷的好勁,因為呢罐牛油已經雪過了




味道都好好

拎哂比阿媽同同事分享,佢地話好香好好味

但我應該唔會再整,除非有人好想食我先會整

真係用太多牛油同糖喇,好似食牛油咁,太肥同唔健康

雖然係好香好食都唔好整太多





**************



第7擊

經過左一輪整蛋撻同曲奇磨練我的耐性

仲要練習左一輪打發的技巧

最重要係我熟左個焗爐,知道它的爐溫同性格

我開始挑戰蛋糕

仲要係一黎就做失敗率相當高的戚風蛋糕

我係成功左

老公好鐘意我做的戚風蛋糕

成件事我學到一個道理

做每件事都唔好急,失敗一次...失敗兩次.......失敗6次都唔好怕

第7次終於比我成功左

我老公終於都讚好好味,佢都估唔到我衰左6次第7次終於焗出味道一流的蛋糕



材料好健康,無牛油用左菜油

今次做原味戚風蛋糕






第一次打蛋白,我上youtube睇左好多片先做

打到有個尖尖即係ok




入爐






我見到個蛋糕升起我響屋企拍手掌

真係好感動,所以的成功感就係咁黎

成間屋都香噴噴




一出爐就要倒扣放涼

個模凍哂先可以起模

千其唔好急,起模要小心d唔好埋門先衰呀




唔需要多講,淨係睇賣相都知惦

我老公直頭唔相信係事實





我覺得空氣太多要改善

我老公即晚食哂成個

仲叫我即刻再整朱古力味,我唔彩佢第2晚先整





*****************



第8擊


老公上班後又問我有無朱古力戚風

佢話想第2朝做早餐

既然老公欣賞,我當然會整

朱古力粉我一早買定,可以即刻開工





將蛋黃同菜油水打埋一齊





蛋白同糖打埋一齊




焗爐溫度計一定要買,睇住爐溫真係好重要

呢個朱古力升得無咁高






仲有入模時我整得唔好,整斜左個架,出爐個面真係唔靚

所以話呢每一個細節出錯都會影響個蛋糕




倒扣放涼




大家睇下個底真係衰左






我批一批用另一面




都幾好






我用左糖霜做裝飾




我老公好鐘意呀,一返黎就食左半個

仲叫我整d送比朋友

我都好開心呀







希望我的技巧會一路進步

下次的目標係忌廉蛋糕