巴黎倫敦自由行DAY 10
來到旅程的尾聲，昨日由倫敦來了Manchester曼徹斯特
第十日的主要行程睇曼聯對昆士柏流浪QPR
早幾天響倫敦我地睇過車路士的賽事，睇埋曼聯的主場賽事覺得氣氛真係差得遠
可能今次係強隊對弱隊的關係，球迷都無咩氣氛，好靜
比我的感覺係好似睇場戲咁.......
如果比我選擇多一次...我會留響倫敦睇多場波
不過都唔緊要喇，都叫做來過奧脫福球場一次
其實今晚係行程的最後一晚
明天會坐下午機由Manchester飛倫敦轉機回港(轉機呢PART好緊張，至於發生何事要留意下篇)
開始第十日的遊記，一早起身響酒店食早餐之後就出發前往奧脫福球場
車票
落車後要行大半個鐘先到球場
由於有賽事當日球場賣紀念品的專門店係唔開，見到沿路街邊好多賣紀念品的攤位
到左奧脫福球場喇
天氣好凍，仲下毛毛雨
今次我地買的票價錢大約係HK$300一張
手續係先上曼聯官方網頁登記做會員，好似大約要入會費HK$500
做左會員之後想睇邊場波就抽飛，我地抽到張HK$300，當然位置係坐山頂位
張會員卡會寄來香港，入場時要帶會員証，嘟一嘟就可以入場
呢張就係會員卡，背面有哂全名架
要查袋，之後嘟下張會員証就入場喇
開始上樓梯......我要行8層呀
終於到左最高層....8樓
一上到去見到小食部
到左紅魔鬼主場喇，平時響電視見得多，現在睇好大好靚
我地早左兩個鐘睇影相，所以都無咩人
球員入場通道
老公買比我的熱狗、薯片、咖啡
球員熱身
認到邊個嗎?
右二朗尼仔
差不多開場，觀眾開始多
紅魔鬼吉祥物
HELLO
球員出場喇
開波
罰球
上場睇車仔都有12碼...又係對方打少個
今場朗尼出射12碼
入左喇，曼聯領先1-0
但...好靜...入左波球迷都無咩氣氛
完場曼聯2-0
雖然場波悶左少少，不過我地志在黎朝聖下
BYE BYE Manchester United
沿住條路行返出去搭車返酒店休息(當日都係假期，所以商場都休息)
去到每個地方老公都會去唐人街行下，今次來到Manchester都唔例外
旅程的最後一個晚上，我地來到Manchester唐人街晚餐
其實當時已經係晚上，不過天還未黑
呢個景點係比較冷門
曼市的唐人街
行程的最後晚餐我地用唐餐作為完結
真係好凍呀，好想食啖飯暖胃
再加上老公見呢間門口寫住蒜蓉蒸龍蝦做特價流哂口水
芥茶肉片豆腐湯
嘩....有啖湯飲下好舒服呀
蒜蓉粉絲蒸龍蝦
唔知係味十幾日無食中菜...我覺得好正呀...啖啖肉
白切雞，都唔錯呀
炒飯，濕左少少都收貨，有啖飯食下好滿足
仲有碟菜無影..好滿足
估都估唔到會以唐餐作完結，好開心啊
埋單會有傳統幸運餅送
寫左幾個月的歐洲篇接近尾聲，寫埋下一篇就寫完喇
一路寫的時候都會憶起旅遊中的點滴回味下
我承認寫得有點慢，不過唔緊要有心唔怕遲，起碼就做完成左
歐遊篇之後我繼續寫返積左好耐又好想出的文
包括上過的甜品班
仲有要寫我最愛的澳門篇
仲有我的自家煮....
下篇就係巴黎倫敦自由行的完結篇喇....待續
