我的出門嫁衣-褂

租左褂喇

響"冠南華"租的

呢套叫做"小五福"

我租的是"頭褂"，未有人穿過的

穿"頭褂"是好好意頭

價錢真係好貴好貴

老公真係好錫我

樣樣都給予我最好的

一見我穿左套褂好啱身，好似係為我度身訂造一樣

再加上係"頭褂"，就算價錢好貴好貴，老公都即時付款

大婚當日一定要影多d靚相

 

 

 

木瓜鯇魚尾湯

上星期書展開鑼

買左好幾本食譜書

方便老公想飲咩湯，指一指我便會跟住來煲

好方便

 

上星期老公生病，食左藥口淡淡，想飲魚湯

 

做法如下，好簡單

 

條魚我響街市買的，其餘響超市買，超市d賣菜姐姐好好人，木瓜幫我起埋皮，讚!!

 

準備好哂

 

煎魚

 

老公話煲出來無咩魚味，應該係我煎條魚唔夠香，出唔到味，下次煎耐d

 

煲左個半鐘

 

搞惦，老公話有40分，因為魚湯無魚味扣左好多分

 

 

晚餐

 

當日的晚餐，無咩胃口最好食米粉，一人一隻雞脾揸住食夠哂過癮，加埋前一日食淨的肥牛，仲有每餐都不能少的一碟大油菜

美食會

上星期到朋友家中作客
平時我都有上載老公煮的食物上面書
因此朋友們都想試下老公的手勢
但家中的地方小
所以呢我地就帶埋老公心愛的煎pan都朋友家煎羊架
當然係大讚啦
連同朋友2夫婦
一共4人
美酒+美食+好友共渡快樂的一夜
早幾日一早到尖東海鮮站訂左一隻長腳蟹同生蠔
當日的五點到取

 

朋友預備的紅酒，老公另外帶左支白酒，生蠔+長腳蟹配白酒是最夾的，最後4人只飲了一白一紅

 

當的的主角，長脚蟹，超出色，朋友讚不絕口，鮮味無窮，啖啖肉

 

另一主角，生蠔，一樣是好出色

 

吉之島買的三文魚

 

好友弄的白酒煮青口，yummy

 

炒什菇

 

老公煎的羊架，好友們大讚，不枉老公帶埋私伙pan，因為一隻好的煎pan，才能煎出外脆內暖的感覺，好好味呢

 

幸福的一晚~~

 

 

 

金菇肥牛金邊粉

老公本週都持續感冒

睇左兩次醫生

無咩胃口

有晚放工時電我想食d濕濕地有湯的粉類

 

家中儲倉有包在一田買的金邊粉

 

另外買左pack肥牛肉、金菇、菜心

 

肥牛有d騷(都可接受)，老公話呢隻唔似金邊粉(似河粉多些)

 

每晚都不能少的一碟大菜

 

出blog之日老公已病了3日，幸好只是小病，好休息便會好，呢個星期六、日都唔會外出，比老公好好休息下。

 

木瓜雪耳紅蘿白粟米豬展湯

家下一星期煮足7日飯

星期六、日仲會有3餐自煮

家下自煮相有好多

盡量記錄低，都幾有趣味

老公無咩飯癮

鐘意有湯濕濕地

所以有時就算煮左中菜，都會配上湯米粉

老公話每晚一定要有一大碟菜

佢要我食好多菜同生果o架

 

木瓜雪耳紅蘿白粟米豬展湯，我煲的，現時煲湯我絕對是合格的

 

都好好味，好甜

 

當晚老公少少感冒初起，無咩胃口，求其煮左少少米粉加碟炒通菜，我炒o架，

20分，唔好食，好差==''

 

出門酒店-都會海逸酒店

早於今年4月已訂出門酒店

係位於紅磡的都會海逸酒店

房間Type係One Grand Harbour View Suite(頂級海景套房)

 

就係呢間

我無親自上去睇過

只係上官方酒店網頁睇相

再直接打電話到酒店訂房部訂房

我一連Book左兩晚

即係1/12-3/12

Honey除出門外，擺完酒當晚都會返酒店瞓

間酒店都好近酒樓

我地響尖東彩晶軒擺

所以距離好近

雖然我地屋企都係響紅磡

但係老公話想返酒店瞓，同埋唔想接完新娘仲要趕check out

其實出門酒店真係要早d book

因為真係得好少套房

如果當日係好日就要快d手喇~

 

 

 

 

Pre-Wedding Photo@Macau

有靚相睇喇，不過有相部份自私化左，有興趣睇要留言加blog友先

上星期去左揀相

加多左一本相簿

預計九月才收到相

今次3日2夜澳門Pre Wedding之旅共影左超過300張相片

我同Honey用左4hrs揀相

分左兩本相簿

每本會有40張

期待期待~

 

老公牌炒飯

搬左黎新居4個月

外出食飯的次數大幅減少

我同Honey在過去幾年，餐餐都外出食，可能真係厭左

現在習慣了在家自煮

有時星期六、日放假早午晚3餐都會自己煮

上星期某天我地出左去以前常常幫襯的茶餐廳食小菜晚餐

我地兩個都都覺得好油好油，食唔慣

都係自己煮好D

 

上星期五的炒飯，因為之前果日食淨左一碗飯，所以第日老公煲多少少飯炒左佢，

，有芥蘭，蝦，火腿，但無咩味，老公話下次要加埋叉燒

 

滾左個粟米湯比我飲

 

仲煎左塊扒

 

簡簡單單又一餐，呵呵^^

 

 

紫心蕃薯湯圓糖水

 

終於做左樣東西出來係Honey大讚的

本身我好鐘意食蕃薯

至於紫心蕃薯係當年到馬來西亞工作時一試難忘

 

既然今天大成功，分享下先

材料如下

1) 用滾水先將湯圓用慢火煮，煮時要間中搞下以防痴底，浮起後再煮兩分鐘。

2) 另起一煲滾水(約6碗水)，將番薯及薑放下，中火煲12-15分鐘，最後下片糖即成。

提示 : 如果唔想煲爛哂d番薯，可於切起番薯後用清水浸30分鐘，煲出來d番薯就唔會爛哂

 

*紫心蕃薯唔係周圍有，我係響灣仔鵝頸橋街市的菜檔買，10元一斤，買5隻都係10元，又平又靚，呵呵。

餅卡

上週六去婚紗展買左美心餅卡

130張送8張

共138張

價值 HK$4992

其中100張係送比媽媽派給親友的

另外38張係我送比朋友的

 

 

 

 

20110715老公煮

又來到老公煮的時間

我又要讚下我honey

上週五收工老公又自己一個走左去買餸

為的又係想煮餐飯我食

so sweet

感動又開心

 

先來老火湯，節瓜章魚豬骨雞脚湯，好足料，好好味

 

菜心炒牛肉

 

牛肉

 

薑蔥，用來炒蠔的

 

金古，用果皮蒸

 

桶蠔

 

讚豉油中，用果皮蒸的金古，會將金古的獨有香味發出來，真係好正，大家有機會一定要試

 

 

菜心炒牛肉，好鬼正，老公每餐都要我食好多菜，一條都不能少

 

開罐啤酒啤啤佢，好開心，生活就係咁簡單

 

薑蔥蠔，水準之上

 

大合照

 

我honey對我的愛錫係120分，呢個牌子的我獨愛coffee味，剛好P記做99元2盒，

老公打孖買比我

 

晚上仲為我做甜筒

 

我個心仲甜過杯雪糕，I Love U