近來煮過咩

近來老公煮左好多餐

不過我無時間每篇打

為左令我的部落格有d色彩

我決定出一篇濃縮版

先讚一讚老公

佢真係好好

有時會專登提早2小時收工自己去左買餸、仲煲埋湯

等我返來即刻有得食

所以要出呢篇網誌讚下老公

其實搬左來呢處之後，我地一星期有5天會在家食

有時會清清地煮下米粉，有時會煮西餐，有時會煮中餐

人生真係好奇妙，以前過慣左熱鬧多色彩的生活

現在終於都停左落黎，開始過平淡是福的生活

感覺好實在，好滿足呢

 

有日，我地去永安買左隻新鑊，老公炒左乾炒牛河開鑊，第一次炒，老公話兜到隻手超累

 

有日老公為公事，收工後我陪佢出左太古中心睇野，之後諗食咩，我地一致決定回家煮西餐，拿拿淋去超市入貨

 

 

又有一日，我地出左海港城拎野，之後又係諗食咩，又係決定回家煮，老公炒d菜真係好好味

 

呢排扒都係同一餐的，老公話我食中餐，佢話要自己一個食哂塊扒

 

老公有日專登早兩小時收工自己去街市買餸，為的就是要炒我最喜歡的蟹比我食，

佢第一次炒，好成功，老公你真係好錫我，我好愛你呀

 

仲買左我鐘意的荔枝，好大粒

 

又有一日，老公又係早收工，去左街市買蠔，做左味薑蔥炒蠔比我食，好好味

 

又有一日，呢餐係我買我煮的，老公話我煮野無以前咁難食

老公呀，你好叻呀，你為左要我日日都開心，真係錫到我燶，我真係好心甜，I LOVE U