大年初三&初四

大年衫三

當日下午就由馬交回港喇

當日返到香港見到碼頭超熱鬧

夜晚返屋企簡簡單單打邊爐

食D菜食下烏冬都好正

我見冰櫃仲有花膠仲拎埋出來打，都幾好味^^

*****


年初四

今日會去朋友家拜年

老公先響屋企煮早餐比我食

未夠鐘去拜年先去睇場賀歲片

去到朋友家喇

先打下麻雀

之前我送比朋友的焗爐今晚開光喇


先焗下蝦



焗野食呢PART由一個男性朋友主理

樣樣都好好味啊

屋主準備左好多食物

有沙律

有焗雞翼

其實仲有好多野食，不過我排住玩無影相

今年春節老公放到年初九先開工

我地真係日日節目都滿哂

春節篇未寫完架

嘻嘻

另外我星期六搬家

呢排忙住pack東西

仲有星期三要整生日蛋糕

因為呢好朋友生日

老公想我整蛋糕

老公叫到，無時間都會變有時間

我打算整雜果忌廉蛋糕

好手痕呀

期待自己的新作^^

大年初二@澳門篇

初一晚11點我地已到馬交

住2晚

今次住金沙城Hoilday Inn

房間相寫過幾次

有興趣到我澳門篇找尋

當晚我地回到酒店就休息無出去喇

第2天的中午餐，我地去左食Lunch Buffet

本來係去MGM食，但的士站好長龍呀

最後我地留響金沙城奧旋餐廳食Lunch Buffet

食完後覺得....當然係.....MGM好好多

可惜無的士

燒牛肉



我睇到呢個蒜頭就諗起小高

專登影幾張比小高，睇佢都整過架

以示誠意我唔怕全日口臭都試左一粒仔

原來係淋淋的，幾特別

一早起身食D菜


我去食Buffet好得意，樣樣拎少少試下

現在我身為烘焙愛好者

當然要試下甜品出品啦

其實我唔愛甜，以前唔食甜品架

人真係會變

要試真d味道，相片中的甜品我清哂

黃昏我地去左銀河睇戲



大家看到價錢嗎

無睇錯呀，係$450兩張票

事關我地係坐Director's Club

坐位非常舒適

每人包一杯汽水同爆谷

到晚上

我地去左銀河酒店的Belon食法國餐


個餐牌識發光

麵包超好味


開左支紅酒

沙律

D羅馬菜新鮮的程度好似剛收割

好好食，好清甜



龍蝦湯


法國生蠔


響我地面前煎鵝肝

煎鵝肝好好味呀

牛扒，又係好好食



配菜薯仔

食牛扒會有唔同的鹽同醬任君選擇

都係果句

現在我係烘焙愛好者

現在出外食飯對甜品好期待

見到呢算甜品嘩左一餐

有黑加倫子馬卡龍同檸檬撻

個馬卡龍帶左比我新的靈感

外甜內酸，好好味

我問過員工喇，我問佢地呢隻馬卡龍係咪法式

佢話係亞洲式，因為真正的法式馬卡龍係超級甜

仲有響隻碟度晝左個蛇字

真有心思

 

呢餐晚餐無論環境同食物質素都非常高

會有琴師一直彈鋼琴

相當浪漫

我同老公食得好享受呀

蛇年大年初一

蛇年大年初一

我地一早就返奶奶家拜年喇

老公著左我地結婚時訂造的褂

好有型呀

去到邊都有人讚

佢話每年新春都會拎返出黎著

今年我比老公搶哂鏡

明年我都要買套賀年衫襯返佢

PS : 老公見到呢張相會唔會笑c呢??

今年我的賀年甲係老公幫我揀的紫桃紅

我拎住隻色叫修甲師幫我調色

又係好靚呀

一早去完奶奶家食完糕點

下午就出發同媽媽飲茶

點左媽最鐘意的燒乳鴿

之後就去左男家拜下年

晚上回奶奶家晚上

回家後兩公婆就出發去澳門喇

原先係初二先去

上網見到初一晚又有房又幾平

就即刻出發喇

初一至初八節目都好豐富

原先我諗住出大雜會

海迪的天空的忠實讀者要求我分開紀錄

佢話想回味下喎

日日回家都話仲未有得睇

收到喇老公大人

新春篇全速寫

哈哈

年廿九同老公食團年飯@彩晶軒

年廿九同老公去彩晶軒食團年飯

呢個習慣已經連續第六年

我同老公亦踏入第六週年喇

我地的愛情故事係由六年前的團年飯開始

我老公好重情

習慣左每年倆口子會去彩晶軒食團年飯

就每年最尾當日都要去

每年都會叫番當年的蛋白花雕蒸蟹比我食

我呢個老公真係好好好sweet



節日少不了的紅酒

兩公婆傾下計好享受

唔記得咩斑兩食

呢份係蒸頭腩

西蘭花炒斑片




每年一定會叫的蛋白花雕蒸蟹




叫左碟椒鹽魷魚蘇比老公送下酒

仲有炒牛柳粒

又一年喇

期待明年的團年飯

年廿七同媽媽團年飯@海逸軒

好喇，呢個新春節目好豐富

好想紀錄一下

由年廿七開發啦

年廿七同媽媽食團年飯

老公揀左去紅磡君綽海逸酒店

食中菜的海逸軒

點左米芝蓮套餐

每位4百多元

都幾得意同好味呀

試一次夠喇

即興約會@海鮮站

上星期五 Happy Friday

同小高來個即興約會

其實事源早一日的星期四我地係約左去火鍋

我唔舒服將約會取消了

Happy friday當天我精神哂

我whatsapp問下小高有無約

咁橋佢又得閒，咁就黎個即興飯局

我太燥熱，邊爐留返下一次

我揀左去小高鐘意的海鮮站

去年12月尾海鮮站響舊鋪結束

曾令好多粉絲擔心係咪結束營業呢

唔怕唔怕

海鮮站已經搬左鋪重新開業喇

地址係以前的隔離街

尖東華懋戲院斜對面(馬會隔離)

好易搵

搬左新鋪比以前大左好多

坐得好舒適

食物質素都無變

價錢都無咩點加

正






先黎凍盤

生蠔同車厘蜆

車厘蜆係小高推介，果然無介紹錯，鮮味無比，而且好有咬口

食海鮮配白酒真係好夾

原來我打算叫兩杯

諗下我地兩個人傾下計飲下食下都係叫一支好D

最後當然飲得哂

呢支白酒幾好飲



大蝦鮮果沙律

蒜蓉粉絲蒸勝子

蒜蓉芥蘭



白酒青口





海鮮焗飯

呢餐飯食左4個鐘

由六點食到十點

我有酒逢知己千杯少的感覺

家庭、生活、工作、旅遊、煮飯、整餅

排住隊傾，仲未傾夠

最誇張係我地洗手間都無去過，哈哈哈哈

美食、美酒加上良朋

我好享受啊

期待下一次的邊爐