奶奶來食飯

好耐無寫文

大家唔好忘記來睇我呀

我只係有少少唔得閒先懶左無寫

同自己講要勤力少少先得

上月剛搬好屋煮的第一餐飯

叫埋奶奶來食啦




煲粉葛赤小豆白側排骨頭湯

飲左一大半先記得影




蒸排骨

草菇甜豆炒雲耳

今次仲加左xo醬炒，好味呀

蒸沙巴躉

切好哂蔥最後唔記得擺

大合照

奶奶食得梗開心啦

我的生鐵鑊

今篇我要介紹我的入廚新拍檔

有人話，女人選鑊好似揀老公咁麻煩

呢句說話一d都無錯

我舊居係用法國特福不鏽鋼鑊

我用左兩年都用唔掂

炒咩都係痴都暈

又難洗

一知道要搬屋我已經決定唔會帶它走

好喇

咁我就開始周圍睇有咩新鑊好用

不鏽鋼、陽極、黑金鋼、五層、生鐵

平有....好貴的又有

又上網睇評語

雖然我樣子仲係好新潮

但實質上我係一個家庭主婦，我真係唔想再選錯鑊

經過一個多月尋找鑊的日子

終於我決定買非常高評價的生鐵鑊

知道自己想要生鐵鑊後

我再上網睇下有無好介紹

發覺有網民推薦上海街區利昌刀庄
果然係好野

我用左隻鑊一星期多d

未痴過，夠鑊氣、傳熱快

以下我會作詳細介紹

包括點樣開鑊

點樣用隻鑊

我唔係專家，但知道搵一隻鑊都幾難

想分享比大家，將來想換鑊都可以參考下

開鑊一d都唔難，我都做到

你一定得




*******





好喇，大家見下隻主角先

呢隻生鐵鑊係響上海街區利昌刀庄
果度有兩位大叔看鋪，去到的時間覺得佢地cool cool地，但原來好好人架

問下佢又會教你點揀，原來打下隻鑊聽下聲都知邊隻鋼水靚，會教埋點開鑊

我呢隻係40cm生鐵鑊

$138

配埋個蓋$70

一套共$208




買左隻鑊返黎未用得架

要用肥豬肉同九菜開鑊

去豬肉檔拎肥豬肉

買熟左的通常唔收錢，你話開鑊佢會送比你

無熟的就買5蚊啦

韭菜買3蚊

韭菜買返黎唔需要洗同切，直接落鑊







一開始

唔需要開火

準備一塊唔要的布

先下多多油

用塊布抹暈鑊面

成隻鑊抹暈油之後就開火

唔好開太大火

中火好喇

下油

我會做兩次以下的開鑊程序

肥豬肉同韭菜分開兩份

先爆肥豬肉

肥豬肉用鑊鏟四圍推

推到成隻鑊都有肥豬肉沾過






見到肥豬肉出油可以下韭菜

不停推韭菜

總之韭菜要響成隻鑊沾過

再炒下

韭菜黑哂喇

呢個時間可以起鑊

用清水過水幾次

用布巾抹乾

呢個時間塊布已經唔黑喇







第2次

重剛才下肥豬肉同韭菜

又係炒到黑哂起鑊

再用清水過水，之後用乾布抹乾

呢個時候開鑊已經完成喇

即時煎隻蛋測試下

已經唔黑喇，開鑊非常成功






又擺幾條菜心試下

我feel到D菜好香

*******


另一日

老公試下炒菜

傳熱好快

好夠鑊氣










加兩粒廖孖記落去炒下

好正啊，夠哂鑊氣

******


另一日

我滾大眼雞湯

先煎魚





用中火好喇




完全唔痴

另一邊

爆下番茄

加糖再炒多陣

煎好魚

轉大火下滾水

再下番茄薯仔粟米



關蓋

唔洗5分鐘已經大滾喇

大滾15-20分鐘已經得喇

下鹽調味已經飲得

條魚無穿無爛食得

 

我的介紹係咪好詳細呢

有好野我當然要同大家分享啦

呢隻鑊真係又平又正

老闆話俊鑊會愈用愈靚

佢提我，生鐵鑊唔用得洗潔精洗

用清水...如果太油就用熱水洗

每次用完都要用布抹乾

如果太耐唔開鑊就得閒用D油抹下隻鑊

好喇，打左好長了

介紹完畢~~

House Warming之海鮮邊爐夜

上星期六

4位朋友來我家打邊爐

我同老公當日下午就出去買料

自家制想買幾靚的海鮮都得

朋友送比我地的入伙禮物

清一色係酒

因為我家老公係愛酒之人

新居買左個恆溫酒櫃

朋友笑說要幫我地入滿佢

嘻嘻

買左條3文魚





響街市買左條新鮮象拔蚌

海鮮檔幫我地片埋

HK$480

我地當晚由7:30現到3:00

開左8支紅酒

成晚笑不停

玩得好開心啊

仲約定下次來我家老公煮西餐

開生蠔、沙律、牛扒、意粉

香檳同白酒

期待

年初五情人節

年初五情人節

當日下午同老公去左朋友家拜年

之後就一行5人去豪門打邊爐喇









魚生YUMMY

朋友送比我的香檳，當晚同朋友一齊分享

學阿叻講，美酒同美食係要同好朋友分享先好味啊






開心的一晚