草莓馬卡龍

我真的愛上整馬卡龍

雖然我嘗過不少失敗(超過十次)

但現在，我可以大聲少少講，我已經掌握到喇

仲要一次比一次有信心

基本上，現在我睇蛋白霜我已經會知得定唔得

一個合格的蛋白霜加左粉之後，係唔會起尖位，仲要有光澤

所以呢，打蛋白的時間唔可以過長

我自己除左睇書之外，仲上youtube睇左好多片

通常睇外國的多，因為佢地真係教得好詳細

都係果句，只要肯學，更難的都會做到

近排，我試左3個新食譜

草莓呢一個，係法式

呢個作品，亦是我最得意之作

除左靚之外，都好味架

外脆內軟

我真係好滿意

食用色粉係我在沙巴旅行的時，響超市買返黎架，估唔到咁靚色

現在，我專注研究餡料方面

我鐘意夾酸的餡料，酸酸甜甜清新d

我唔想一味得個甜字

如果大家想學馬卡龍，不妨留言下

我下次一定影哂相，step by step教大家




其實材料都係果幾樣，真係好簡單

打蛋白

未焗我已經好有信心

入爐大約5-6分鐘會出裙邊

整埋個餡先

用左士多啤梨果醬加無鹽牛油打出來

打牛油

加果醬

很美，脹卜卜，滑嘟嘟

夾酸酸甜甜的餡料好味啊

配杯咖啡一流

第2日包裝靚靚送比朋友食

我老公好鐘意我整的馬卡龍啊

當晚食左3粒送咖啡

仲叫我多d整

今次呢篇我只是簡單介紹下

其實我仲整左個朱古力味，個餡我用左黑朱古力加淡忌廉

又係好好味

事關真係苦味重，食落一d都唔甜到漏

送左比朋友個囡食，朋友打返黎話個囡食到要我再安哥

下次再同大家分享過

多謝支持

老公四連煮

 

老公一連煮左四天

仲係買埋餸架，真係抵錫到不得了

佢早兩日仲笑說：「我個公仕包就黎要放個環保袋」

至於點解我唔煮，事關呢我家陣一至五有工作

所以呢老公早收都去買埋餸

我一返到家就有得食架喇

****



先黎上星期六

當晚半夜有歐聯決賽

我地專登好夜先煮

咁呢先食呢盤壽司

兩個人咁大盤，事關呢盒有特價好抵啊

結果食到第2日先食得完



好喇，當晚係食西餐

老公炸薯角呀

好靚呀，真係好好味

兩塊都係西冷

好好味，又煎得靚

星期日

一起身老公就煮早餐喇



晚上，清清地

雲告烏冬，仲有大菜一碟

老公灼的菜好好味，唔知點解我永遠灼的菜都唔好食



雲告響佔仔記買

$38/10粒，好大粒，足料



夜晚我肚餓，24孝老公又煎雞翼比我食




******

星期一

兩餸一湯

我一返到屋企就有得食喇




我當日下午話想飲啖湯

24孝老公就滾左個芥菜咸蛋肉片湯

甜到入心



蒸沙巴躉




外賣鴨




****


星期二

清清地

雲吞烏冬，我家少不了的大菜一碟

當晚奶奶都來左我家，一人一大碗烏冬

舒服




*****

尋晚無煮，老公去左打牌食飯

佢唔捨得我一定個人食，一定會叫埋我去食飯的

好豐富呢

 

*****



每天我都好感動

老公對我真的是無微不至的照顧

他除左買餸煮飯外，每天仲會買唔同的水果給我吃

今天是車里子、明天是木瓜、大後天是哈密瓜

最令我感動的是....老公係唔食榴槤的

但他為左令我快樂，他會買給我吃

知我鐘意食好熟的榴槤，他會按下去睇下淋唔淋先買

佢當晚下樓送奶奶走

回來又會買支甜筒比我食

成日口講叫我唔好食太多，怕我下身太重會腳痛

但常常最寵我的又是他

我常笑他，口不對心

哈哈

我家老公是一個好有型的男人(情人眼裡出西施，嘻嘻)

一個在工作好叻的男人(我覺得，嘻嘻)

下班

穿著西裝、手拎住公仕包、穿著靚皮鞋

為左個老婆

走入街市，買魚、買菜

在我眼裡，真的很感動

好多謝你呀，老公



****


甜蜜的事，豈止咁少

繼續分享

上星期睇完蘇民鋒

話廚房唔好對住塊，話對身體唔好

我呢3月尾響宜家就係買左塊返來痴

近來我身體又有點小毛病(好少事，不用擔心)

聽到唔好後，我家的超級老公第2日即拆

拆完好多膠紙印，老公又油返靚仔

 

 

 昨晚老公臨睡前跟我說

他真的很喜歡跟我一起

只要跟我一起，在家說說笑、傾下計、抱下、錫下

已經好開心，好舒服

傻瓜，我也是

 

 

 

沙巴遊2013(短篇)

大家好

好耐無UPDATE我的天空
 
我有來探大家架，可能有時無留言，但我都有睇支持大家的

昨天下機回來，剛剛去完沙巴4日3夜旅遊

事源大約3星期前某一夜

我同老公講，好想去旅行呀

咁第2日佢就搞惦哂

地方都係佢揀架

今次幾乎所有行程都係佢安排

安排得好好啊

今次送上少少精華比大家睇

我有時間一定會寫詳細點的遊記(上年12聖誕去的曼谷都未寫(爆))


早機去，早機返



Hyatt Regency

唔算新，但真的很乾淨





我地訂房時已註明一定係向海景


在房間看日落的景色，當天仲見到條小彩虹



出左島潛水仲有現降落傘到水上電單車

見到嗎，我同老公飛左上天啊


我在沙灘上散步


去旅行開心到跳起


老公潛水look

食左兩餐海鮮

 

 

奶油老虎蝦，好好味

奶油龍蝦伊麵，老公話好好食，香港好少有的青龍

我最愛的胡椒蟹，又新鮮又好味，好得

豉油老虎蝦，真係超得


咖喱蝦麵，呢碗麵令我地返黎食多次

就係呢隻雪條，有好多味，我未試哂呀

桔仔冰

桔仔冰加喇沙，喇沙香又濃

 

手信

 

簡簡單單出一篇先

其實仲有去左親近大自然

睇左長鼻猴同營光蟲

我同老公都係第一次去陽光與海灘旅行

估唔到來到沙巴會咁開心

今次的旅程係我地近年去過咁多地方最鐘意的一個

沙巴，值得推介

好放鬆的4天

這幾天同老公恩愛到不得了

一句都大聲少少都無頂撞過

隨意走，拖住隻手就行得

今次的旅程，令我倆回味無窮

期待下一次再出發