蕃茄薯仔大眼雞湯、蒸雞脾、餐肉炒蛋
呢餐我煮o架
都有兩個星期前
老公好鐘意我煲的魚湯
呢味大蕃茄薯仔大眼雞湯佢好鐘意飲
仲要一路飲一路話係"老婆，我真係好愛你，呢個湯我飲一世都唔會厭"
嘩...真係好誇張，哈哈哈哈
我有加瘦肉落去滾，其實呢個湯滾左都無九個字
但好出味，好甜
我發覺用紅衫魚會鮮d，用大眼雞就甜d
條大眼雞滾完都無爛
隻雞脾我去左街市雞檔買，用左用多薑汁同埋鹽醃，蒸左14分鐘，之後焗左五分鐘，好滑，好正，我唔識斬，都係一人揸一隻夠哂過癮。暫時我煮的餸都係蒸為主，炒餸都係留返比老公^^
加多味餐肉炒旦，老公炒的
每餐都不能少的菜，白灼西生菜
大合照
設計左個多月的喜帖今日拎左出去印，張帖係用我地著住潮褂同馬褂做封面的，好中式的感覺，兩個星期後便印好，十月會開始派帖，我好緊張呀。
發生於兩個星期前
有一晚我個肚好唔舒服，d腸好似打哂交咁
仲有肚痾(註 : 我現已完全沒有事)
咁當晚我有同老公講
佢就叫我聽日好好休息，唔好出街
果晚我好早休息
原來老公響雪櫃拎左舊瘦肉出來解凍
第2朝佢係要返工，專登早左起身煲粥比我食
煮定左我早午兩餐的份量
老公話叫我好好休息，真係好唔舒服先回來同我睇醫生
老公一早起身煲，我食左兩餐
好好味，好感動
到佢放工後，我已經好返好多，我話唔想再食粥
之後佢就去左吉之島買餸煮米粉我食
買左塊豬扒比我食
仲有菜
老公幫我切一粒粒，方便我食
老公真係好錫我
佢自己就煎左塊扒，開左支紅酒，我唔舒服無飲
每次我唔舒服，老公都會好緊張，佢真係好錫我，當我唔舒服時，佢會問好多次，好d未呀，個肚仔仲有無打交呀，其實我真係好感動，我有個好錫我的老公，I Love u!!
黑椒牛仔骨伴洋蔥薯仔、白灼蝦
近來煮飯好勤力，上週只有星期五先出街食
呢餐係再上一個星期煮的
都係老公主理，我負責買餸
原來牛仔骨無新鮮賣的
因為我唔慣的雪藏食物(我喜歡新鮮的)
但分別行左街市、惠康同百街佢地都話無新鮮
最後我響百街買，呢度有一磅多d
共有3大塊，剪成一開三，都幾貴
新鮮蝦，呢度有十二兩
解凍後
呢味牛仔骨honey第一次煮
醃料 : 生抽、老抽、鹽、糖、o急汁、黑椒、生粉
洋蔥
今次用薯仔好特別，最初老公叫我買薯仔我都好奇怪，估唔到出奇地好夾，好好味，薯仔煮前要先用滾水煮一會先炒
先用蒜頭起鑊，再下洋蔥炒下
牛仔骨煎下兩面
好香
差不多熟時下洋蔥回鑊
加埋薯仔再炒
成品
大合照，呢餐都有支紅酒，因為近排老公愛上紅酒，搞到我都上左癮，紅酒配牛仔骨都唔錯，正~
呢排天氣熱，我都有打定d西瓜汁放定響雪櫃比老公放工返黎飲
