02-12-2012
係我同老公結婚一週年的紀念日
時間真係過得好快
過去的一年婚姻生活很愉快
其實真係同拍拖有分別
結左婚係開心好多
總之就係更加愛對方
一週年當天我地去左澳門慶祝
點解要住新濠鋒
就係為左新濠鋒酒店內十樓的奧羅拉Aurora
當天我地一早就出發
奧羅拉 的Sunday Brunch要早一個月前訂位
我覺得真係超正
我淨係想講
單食甜品都覺得抵
甜品相當精緻
更有不停供應的生蠔龍蝦
燒牛扒相當出色
唔講咁多，一陣去相
我先介紹酒店房間
服務基本上達六星
有2個職員黎接船
唔講咁多
去相
就係呢位職員舉起個ipad接我地
當然我地事前係知啦
我地係直接經酒店網頁book房
email已經通知左我地有專人接船
我地差不多落船亦都收到sms
通知我地車已到及職員電話
我地一落船就見到個職員舉起我老公個名
真係好好服務啊
等緊架車轉入來
就係呢架車喇
酒店大堂位於38樓
未夠鐘拎房我地先check in，先去10樓Aurora食Sunday
brunch
book左12點
記得要提早一個月book位
一入到去比甜品區吸引著
各式芝士及風乾火腿
各式凍海鮮
澳洲生蠔
沙律菜好靚好新鮮，煙三文魚入口即溶
燒羊架、燒雞及燒牛扒
燒牛扒好好食，老公食左2塊
我食左3轉生蠔
鵝肝好厚呀
熱盤、麵包同雪糕我都無影
黎到最開心的甜品區
一週年快樂，個一字係私伙
叫甜品區師傅寫字，老公加d甜品上碟
甜品樣樣都好味
我地食左3個鐘就去拎房喇
拎左房喇
一邊係床、另一邊係廳
好大個浴缸
3條橋睇哂
酒店送的禮物
仲有生果
夜晚出左去新馬路行下
去左祥記晚餐
杏香園食糖水
貴得有道理
馬蹄沙係手磨
開支紅酒慶祝下
酒店係包埋早餐
係送上房食架
早一晚點定餐同埋寫定幾點送上房
好準時架
好開心好甜蜜的一週年小旅行結束喇
好多謝老公的安排哩
好多謝老公花好多心思響我身上都係想我開心
我愛妳..老公
