我的第一次

星期日響新屋煮左第一餐，

亦是我第一次煮野食比老公，

係呀，一齊左咁耐，

我第一次煮野俾老公食咋~

雖然只是煮米粉~

一定要記低呢個歷史性的一刻。

星期日下午去完街老公好累，

佢話今晚唔出街食，叫我學下自己去買料今晚煮米粉佢食。

吩咐左我去惠康買包米粉、丸丸、菜同濃湯寶~

其實我真係未煮過米粉，大家唔好笑我，我真係十幾年來都無開過爐煮食，

我去到惠康研究左好耐才買呢隻(其實我係驚自己買錯，買左兩隻唔同o架)。

回到家後，老公已上床，佢話要瞓晏覺，吩咐左我21:30前煮好，當時係20:00，

我心諗，仲諗住老公會幫我，點知佢專登去瞓覺考我。

其實我真係唔識煮呢d米粉，上學睇下有無食譜，唔知係咪太簡單，原來無食譜o架。

包裝紙後面有教做法，我照住做~

其實到底要唔要飛水????

我有飛水呀，哈哈，老公話d米粉一舊舊!!!

今次第一次自己一手一腳整野食，雖然只係好少，我都有手忙腳亂，

老公話呢餐有70分，只是d米粉一舊舊，佢話下次做一次比我睇。

食完飯老公為左鼓勵我，帶左我落街買雪糕~

這是我的~

這是老公的~

對於自己處理一頭家，真係有好多不足，令老公經常都好擔心我，發生左好幾件事 :

事件 1 ) 現在屋企是用大眼雞款的洗衣機，有次洗洗下衫，我開左度門，結果d水倒哂出來，激到老公死死下= = ''

事件 2) 昨晚老公在日本城買左個玻璃壺回來，佢話係用來裝煲好的水，放在廳的，之後我去左洗下個壺，再之後我煲左壺滾水倒左落去新玻璃壺度，我諗住咁樣用d滾水浸下會好d，結果...................個玻璃壺爆左....d滾水倒哂出來，幸好我當時是放在升盤整，所以我無整親，但都嚇到我傻左，老公即時衝左入來，善後完後，鬧到我好厲害....

 

我今日檢討過，我會好好努力學習的，加油加油~~希望將來睇返今日的自己會有進步啦，Yeah Yeah Yeah~~