巴黎倫敦自由行DAY 2(A)

巴黎倫敦自由行DAY 2
 
行程 : 凡爾賽宮-->艾菲爾鐵塔--->塞納河-->夏瑤宮-->春天百貨-->Galeries Lafayette



來到DAY 2喇，時差的關係今早4點半已經起身，酒店每天都會包早餐的(7am-10:30am)

今天的行程好豐富，我地食完早餐後都要即刻起程

每天起床老公會先計劃好行程的搭車路線

酒店的餐廳位於地庫，每天的自助早餐就係響度食~~所有食物就係這角落，5天早餐都係這些， 我寫一次夠喇，所有麵包同水果都好新鮮，尤其杯咖啡好好飲~~



麵包類，好新鮮~~老公食左5天牛角包，我食左第4天頂唔順了~~

每天必食的乳酪，幫助便便~







雞蛋同腸仔要另外order，原來係叮雞蛋...超難食~~

5日的早餐都係食這些，都好味呀!!!

每日的行程都需要大量的腳骨力，早餐一定要食飽些!!!




我地的房間有露台，望到少少塔頂~~

老公鐘意坐響度抽支煙嘆杯奶茶~~




食完早餐就出發前往第一個景點凡爾賽宮，凡爾賽宮座落於巴黎市郊西南部~~由市區去都要轉好幾程車，我地預左午餐會在入面食，出發前先去超市買定午餐。

三文治好多選擇~

買左兩件~




法國人比我的印象...老實一句...真係好差...

響5天巴黎短短的日子，我數過最少比人小左5次以上(可能計少左)，比人小可能係我誇張左，總之就不禮貌對待啦，

或者我地黑仔，遇上的都是惡人...，遊記上會分享返比人炳的事情...其實我發覺佢地唔係太歡迎遊客，尤其係中國人!!!!

相反英國真係好好多，起碼佢地會歡迎我去佢的國家旅遊~~

最搞笑係如果我地想影合照，一定要搵返中國人的遊客幫手呀，我真係試過比人拒絕...

整整下我情願自拍會好些~~

我今次真係獲益良多，自由行可以看到當地最真實的一面。

不過呢我地都好開心，唔會因為一些小事嚇窒，去旅行就係要增廣見聞~~

先來第一單，就係因為一位票務員，我地決定之後的路上會靠自己，唔會再問人....

去到票務處，老公想問下關於買飛的問題(用英文)(我唔記得問咩喇)

果位女惡死票務員用佢超高八度態度奇差的語氣 : not english之後再加好大聲唔知佢講咩的法文(今次自由行真係聽過太多not  english(無奈))

我同老公比佢嚇鬼死，求人不如求己，自己下摸下摸下又買到(老公叻叻)~~

入閘，出發~



車票，我地郊區一陣都要轉RER




先黎一程，要搵13




繼續行見到13喇~




返工時間好多人一齊等車~~

來到呢度到我比個法國婆小我喇...

話說好多人落車，咁我習慣會企響門的側邊比人落先，就係咁個法國婆話我好頂住佢落車，比佢用一大輪法文小我(再次無奈當佢唱歌)...

要好留心好驚唔得落車

車箱內

老公又睇下條路線喇，準備轉車

搵C，轉乘RER

繼續行去搵C



繼續行



見到C指示牌，可以上車LU~

巴黎自由行就係靠佢地帶路



搭左大約半小時就到左喇，落車LU

一落車會見到凡爾賽宮的指示牌

出到去先9:00，我對自己整個旅程控制時間非常滿意~

咁難得去到咁靚的地方旅遊，瞓少D都抵~

大約行左15分鐘就到喇，沙塵滾滾我成對鞋白哂..

今日天氣唔太好



凡爾賽宮是法國的重要旅遊景點，所以很多來巴黎旅遊的人，大多會參觀這壯觀華麗的皇宮。



凡爾賽宮係我今次巴黎行唯一有比錢入場的景點。票價每位€8.5。

當抵達凡爾賽宮前的廣場上，已經佈滿參觀的遊人，我地大約排左20分鐘入場~



再往前走便是皇家廣場 RoyalCourtyard~



拎本地圖先~



皇室禮拜堂

 

走進金碧輝煌的皇宮裡，到處 的裝飾和陳設極其豪華富麗，這是凡爾賽宮的一大特色。

皇后的卧室

宮中最著名的要算是「鏡廳」 The Hall of Mirrors

梵爾賽宮的御花園

行到呢度如果想再入其他宮殿參觀又要比多€8.5，當其時我隻腳已經好酸，而且興趣唔太大，同老公相量後決定唔入去喇~~



再影下相，就食自備的午餐先~

凡爾賽宮比我的感覺好大，金光閃閃，好有皇室的氣派。法國人真係好有品味，好貪靚，連打仗都著得好型~

參觀完凡爾賽宮緊接下來的是我非常期待的巴黎鐵塔~~

待續....