巴黎倫敦自由行DAY11(完結篇)

巴黎倫敦自由行DAY11(完結篇)




來到最後一日的遊記喇

一連十天的歐遊之旅完結喇

我地中午先由Manchester飛去倫敦再轉飛香港

倫敦果程機原本一早已經劃好哂位，係坐中間咁上下啦

點知........

我地響Manchester由於下毛毛雨，班機delay左一小時

倫敦班機起飛時間係5點

我地飛到去原本3點變左4點

我地一落機就跑跑跑，跑去退稅...

去到登機處係4點半.....

職員話已經停左登機喇，叫我地轉搭下一班

如果唔退稅應該趕到，成幾千蚊又唔捨得唔退

我地又跑跑跑去再check in喇

幸好下一班8點飛香港仲有2個位

果兩個位係機尾最後果排，即係廁所位前

呢十個鐘我真係好辛苦，好嘈，又有乘客響身邊做體操

全程瞓唔到好辛苦

以後都想再坐機尾




一早起身今日唔想響酒店食早餐

我好想食英式大早餐啊

我地走左去酒店附近的大早餐

 

食完早餐去左附近行下商場

因此我地行李喼爆哂唔夠位，我地要買多個大旅行袋

之後返酒店執埋就check out搭車去機場喇

到左Manchester機場




兩喼去五喼返

最底大果兩個就寄倉(已經接近超磅)

其餘三個就手提上機

無辨法，冬天去d厚衫大褸好side位

再加上買左好多野食同球會手信，5個行李全部爆哂





後記

4月上旬去完的歐遊之旅的遊記寫到尾聲

今次我同老公都係第一次去歐洲

我地唔係用左好多時間去籌備，其實我咩都唔識

我只係負責睇下旅遊書編下行程

老公就負責哂所有野，機票、酒店、波飛、火車票....全部都係老公處理

去到巴黎人生路不熟，我法文又識睇又唔識講...老公笑我係文盲

搭車呀...睇地圖都係老公睇，我覺得老公好MAN好叻

去旅行自由行真係好有樂趣，成日都有要搵路，行行下又會搵到條路出黎

倫敦應該會再去，因為老公鐘意睇波

至於法國的建築物真係好靚，簡直係人靚景靚

隨便睇樣野都靚過人，我都好希望有機會會再去呢個地方

我覺得今次的旅程好開心，期待好快可以再分享我下一次的遊記



巴黎倫敦自由行全篇完

多謝收看~