巴黎倫敦自由行 DAY5(A)

巴黎倫敦自由行 DAY5

行程 : 老彿爺百貨--->O CHATEAU(試酒會)--->羅浮宮--->唐人街




來到巴黎的最後一天喇，明天會到英國倫敦喇~

最後一天我地一早起身先在酒店食早餐，之後就去買手信喇~

我地去老彿爺百貨2樓的超市買D食品做手信，都買左幾多~

老公己已經熟路到由酒店行去老彿爺，好近呀行左15MINS~

之後就去左今日的重點行程.....就係去試酒會喇~




一早起身落酒店食早餐，連續4天都係一樣的麵包我開始厭，都係食生果美味些~

老彿爺百貨2樓的超市，買左好多印有巴黎鐵塔的曲奇餅做手信~




買完手信我地就返左酒店放低手信，之後就出發往試酒會~

老公係愛酒之人，近年對紅酒有好大興趣，出發之前老公知道巴黎有酒鋪會做試酒會

老公響出發前已經報名參加，我地當日係12點去到

就係呢間 O CHATEAU
http://www.o-chateau.com/

一進場已經見到好多紅酒，之後就有員工帶我地落地庫上堂

老公在香港已BOOK好位，用信用卡過數，每位費用約HK$1000

入到課室已經見到其他遊客喇，我地果堂大約有12人，有西班牙人、仲有其他好似係東歐人..

法國型男導師，用英文綬課

先試白酒




開始講解




兩人一盤芝士，白色果舊真係好鬼臭

麵包好好食啊

兩個人一盤HAM




坐我旁邊的外國人真係好食，兩個鐘未停過，成盤臭芝士食哂(強)

之後開始試紅酒，一共飲左兩紅酒兩白酒，我情緒開始好高漲

兩小時的試酒會好快就完左喇，我覺得係好得意的經驗，幾好玩啊~~老公好開心~~




課堂完左我地周圍參觀下，老公忍唔住買左一支紅酒預備今晚返酒店飲







離開後我地就行去搭地鐵返酒店

 

 

一路行老公四圍影

 

泊單車的地方

 

行行下搵地鐵又見到羅浮宮，又行左過去影下相

影完一輪我地去搭地鐵返酒店休息下之後去唐人街

待續......

巴黎倫敦自由行DAY 4(B)

巴黎倫敦自由行DAY 4

行程 : 聖心大教堂-->畫家村-->香榭麗舍大道(午餐)-->康朋街Chanel總店-->香榭麗舍大道旁的賭場--->羅浮宮(影夜景)




來到DAY 4的夜晚喇，我地今晚出發影羅浮宮的夜景。

巴黎呢4月己開始日長夜短，晚上8點才開始天黑~

差不多要到10點天空才黑哂，當晚我地大約十點半才出發~

去到羅浮宮大約十一點半，羅浮宮十二點點便會關燈~

夠鐘會有保安驅趕~




搭地鐵到Palais Royal Musee Du Louvre站，一出來馬上可以看到羅浮宮的指標~




到左喇，雖然我沒有進入羅浮宮參觀(之前提過我同老公都未有興趣)，但都不能不到外圍拍拍照，真的很美啊~

羅浮宮的日與夜我們都有去拍照，個人認為日與夜都很值得去看看~

 

金字塔~

老公好開心啊，不停拍照~

美嗎?

當晚的羅浮宮很寧靜，我眼見只有3pair人在拍照，任何角度都可以慢慢影~




這張相拍了很久，我很喜歡這照片~

我和老公攝於羅浮宮下~

我們手牽手一直拖著走，直到永遠~




看到少少巴黎鐵塔頂~

很美的建築物~

去巴黎不能不去羅浮宮拍夜景~

 

寫遊記就好像去多一次旅行，一路寫的時候我都好開心，都仍然覺得難以置信~

心愛的老公拖住我走到地球的另一邊，整個旅程都充滿快樂的笑聲，的確很快樂~

老公仲話他退休後一定帶我重遊巴黎，到時一定會同我入羅浮宮參觀~~



DAY 4 完

巴黎倫敦自由行DAY 4(A)

巴黎倫敦自由行DAY 4

行程 : 聖心大教堂-->畫家村-->香榭麗舍大道(午餐)-->康朋街Chanel總店-->香榭麗舍大道旁的賭場--->羅浮宮(影夜景)



我的遊記進度實在太慢，有好多文我都想分享呀，無從入手!!

唔緊要我無壓力，我要加油完成4月復活節歐洲之旅的遊記~

講少少我的近況，我有煮野食呀，仲煮多左，總之就進步左啦，

另外我上左些興趣班..包括整甜品啦..仲有去跳Funky Dance~

同老公一樣都係好甜蜜，一樣都係咁愛錫我^^佢都好支持我學多d野~

好喇，講住咁多先~~~



來到巴黎的第4天，時差的問題已完全解決，習慣哂喇，唯一唔習慣係4月的巴黎天氣非常乾燥，

皮膚很癢，要塗很多保濕霜，但香港帶來的全都唔夠滋潤~結果我們在藥房買保濕霜，但我們都係抓損哂皮膚(真的很癢)

今天都係一樣大約八時落酒店餐廳的早餐，之後就出發第一個景點聖心大教堂~

其實來到第4天，完全沒有了第一天的緊張，老公對於巴黎的鐵路已完全掌握(強)~

搭地鐵前往在Abbesses站下車，要走一個很長很長的樓梯才出站(Help...真的很長)

出站後接著就是往上坡走，聖心大教堂是巴黎的最高點~



買左張明信片寄比奶奶，剛巧一出站有間郵局~




老公買郵票中(叻叻)




呢張係寄比我同老公的~

貼郵票，最後張明信片在我返港後的兩星期收到了^^




寄完明信片後經過呢間教堂，入左去參觀~














參觀完教堂後繼續往上走~

 

 

差不多到喇，但仲要上山，可乘纜車上(要錢)，我當然選擇行樓梯啦~

行過另一邊上樓梯

上喇




當初我編排行程時上網睇過好多景點，第一眼被這橦白雪雪的教堂吸引著~

今天來到親眼看到時，不禁嘩了一聲，在藍天白雲的襯托下真的很美，遠看還像一座城堡~

身處巴黎的最高點~俯瞰一望無際的巴黎市區風景~

來到這裡千萬要小心路邊的黑人小販..

他們會半路攔截你要幫你綁幸運繩...

如果被他綁到他就會要你買下來...且價格就隨他開了!!

之前我上網已有網民提醒這點，我都有遇上幾個，大家千萬不要上當!!

識郁架^^

真的很震撼，很美的建築物~

之後我地就入左教堂參觀(免費)，不可拍照。

入到去很莊嚴的，偷拍也不好意思，所以我們要尊重這地方啊~

 

參觀完教堂後，上爬樓梯登上塔頂俯瞰的巴黎風景(收費的)，好像是行幾百級樓梯，今天我已爬了很多樓梯，我真的無力上了~~

之後往聖心堂的左邊走，前往畫家村~

沿路會經過很多賣紀念品的商店~

很多遊人啊~

在路上會有許多畫家看著你一直畫畫。

如果你停下腳步，那就代表你同意讓他畫一張(收費的)

我發覺我沒有拍畫家村的照片(大大爆)

好喇，我們要往今天另一地方，就係到巴黎CHANEL總店朝聖~

CHANEL總店位於康朋街，坐地鐵到Jardin des Tuileries站走過去便可以(很近)~

春天百貨同老佛爺的CHANEL好多人排隊，如果你想輕鬆一點可來這總店(不用排隊入內)~

我是CHANEL粉絲，經常會留意這品牌的手袋，好多新款我都會留意下..

上年生日老公已送我一個很名貴的CHANEL手袋，我亦應承老公唔會成日扭計買~

老公話我每個品牌只可擁有一個，不可常追求手袋，我都好認同~

我真係唔可以太物質，有已經好幸福，但其實我每一兩個月就會發作一次要扭老公買手袋~

而老公每次都會同我講不可扭，其實動輒兩至三萬一個包包真係很貴啊...

好喇，今次我係幫老公的朋友買一個包包送他的太太，好多謝佢對我的信任，他比我的budget係2000歐羅~

我去到同Sales講我的budget係under 2000歐羅的黑色手袋，果度的sales好好人，拎左好多比我慢慢揀~

我承認我當時真係流到成地口水，幫人買自己無得買忍得好辛苦，仲幾乎發老公脾氣~

老公又同我解釋一輪啦，因我之前已應承左老公唔準咁樣，呢個時候佢唔會就範，明白左老公的道理後來我又無事lu~

幫人買過左手癮都好開心~








經sales的推介下買左個lu，可以退12% TAX~

朋友太太好歡喜啊~~

買完包包都差唔多3點，又累又餓，我地去左香榭麗舍道附近食Pizza，我無影低響邊度食啊==








大約5點我地返左酒店休息，夜晚會出去影羅浮宮夜景，巴黎4月份差不多要十點天空才黑哂~

我地晚上都有去位於香榭麗舍大道附近參觀左兩間賭場~

當然規模無澳咁大間，平時佢地入去係要比150歐羅做會員才可進場~

但當我地出示護照佢見你係遊客都可以免費做張會員証入去玩~

都幾得意，參觀完後我地又回酒店喇~

晚餐都係食杯麵解決..

大家如果有機會去長途旅遊都帶定點杯麵，真係好有用~

下次我要帶埋清熱飲品，餐餐食麵包同香口野真係好熱氣，

當時我真係好掛住清熱酷。




待續....