屋企請客

在家請客 :

木瓜魚尾湯、瑞士汁雞翼、咸魚蒸肉餅、菜心炒牛肉、薑蔥倉魚

7月中

老公請左兩個朋友返黎食飯

因為當天有場波睇

老公同d朋友都係足球迷

平時有早場通常會出去打邊爐+睇波

但呢輪太熱

再加上有個朋友好少湯水

所以老公就提意在家自煮

當然係老公下廚啦

我負責買餸同煲湯

仲有洗好哂d材料俾老公煮

 

木瓜魚尾湯，條魚尾我響街市買的

木瓜

西施骨飛水

煎魚尾，上次煎得唔夠香，唔出味，今次煎香d，就好d喇

老公叮囑我要入魚袋

煲左兩個幾鐘

飲得，好味，朋友仲每人飲左3碗，我都好開心

另外我要準備好晚餐的材料俾老公，朋友少食住家飯，所以諗菜色時老公叫我

都係魚、菜、肉、湯便可，瑞士汁雞翼、咸魚蒸肉餅、菜心炒牛肉、薑蔥倉魚

瑞士汁雞翼，呢味係餐前佢地一路睇波時俾佢地送啤酒，到我影相時只剩下兩只，好

受歡迎

薑蔥蒸倉魚，游水o架，好新鮮，響鵝頸橋街市買，個阿叔可能見我靚，$50條賣左比我，呢條魚有斤幾重，老公讚我買得叻，其實我買野老公係好放心，因為我好少比人蝦^^

咸魚蒸肉餅，麻麻地，有待改進

菜心炒牛肉，老公拿手菜之一，好友們大讚夠鑊氣，牛肉炒得剛剛好，超好食

大合照，個個添飯，全部清哂

當晚好開心哩^^

姐妹裙

明晚約左姐妹團飯局

今次一來係好耐無見要吹下水

二來要落實裙款的顏色

由於訂造

最遲最遲9月中要完成哂度身

明晚食飯的地點會係我擺酒的酒樓食

由於我地幾個本身係好朋友，仲要係非常熟

所以會好好玩哩

聽晚的飯局係老公負責比錢，但無佢份食

哈哈^^

 

番茄薯仔紅衫魚湯

番茄薯仔紅衫魚湯

係我近期非常滿意之作

話說有日老公話好熱無咩胃口，叫我煮少少野比佢食就OK，我已經諗緊煲湯比佢飲，番茄薯仔湯一定好開胃，但當時已經六點，煲老火湯一定唔夠時間，老公鐘意飲魚湯，一於滾紅衫魚，去左街市買料，今次我對呢個湯好滿意，一於紀錄下先，因為我想個湯味道豐富d，所以加左瘦肉。

材料 :

番茄4個

薯仔1個

粟米1支

紅衫魚4條

瘦肉 20元

薑 數片

做法:

煲一煲水，先將蕃茄薯仔粟米放下，瘦肉先用醃料醃(都係生粉豉油糖)，紅衫魚煎香，待蕃茄薯仔粟米滾大約十分鐘後放下所有材料，滾約半個鐘後下鹽調味即成。

如果想d魚湯個色白d，就要將d魚煎香d，會出味d

老公都大讚，yummy yummy

車路士vs阿士東維拉@香港大球場

2011-7-30

Honey係英超聯粉C

至於我係車路士的粉C

今次車路士訪港

我同HONEY當然唔會錯過

場波晚上六點半踼

我地當天一行四人

1點響尖沙咀酒樓集合

我地兩點已經到左大球場，由於我地買果隻飛係不設劃位，想坐有利位置欣賞便要早早來排隊，日曬雨淋，大約3:30大會便開始放人入去喇

頭場欣賞傑志對布力般流浪，重頭戲車路士對阿士東維拉，好開心，平時只會在電視先有機會欣賞的英超聯，現在有幸現在欣賞，真係好難得

一人一隻雞脾好有FEEL

太熱老公買雪糕我食

期待的車路士出場喇

今次係難得的經驗，不過真係好辛苦，由朝熱到晚，對於我呢個嘆慣冷氣的人來說真係好熱哩，老公話一定會英國睇英超的，期待期待。

老公煮西餐之香煎茄汁大蝦磨菇意粉、紐西蘭香草羊架、頂級美國肉眼​扒

早幾日的晚餐

好豐富哩

當然係最錫我的老公下廚啦

兩口子在家据下扒、飲下紅酒、傾下心事

都好滿足哩^^

 

香煎茄汁大蝦磨菇意粉，真係好好味，賣相好靚

 

紐西蘭香草羊架，本來我唔食羊，好怕有"蘇"味，但係老公整果d無"蘇"味，

外脆內暖，真係好鬼正

 

配菜薯仔，我見到老公先將薯仔煮熟，之後再用牛油起鑊煎，真係好好味

 

老公煎格仔牛扒

 

頂級美國肉眼​扒

 

wow，好正

 

老公話，只要我鐘意食，會永遠為我煮，so sweet sweet^^

 

假日午餐+晚餐

呢兩餐係兩三個星期前

話說當天老公感冒未清，唔多想出街

所以兩餐都在家食，要多d時間休息

但係兩餐都係老公煮的，呵呵

 

午餐所用的材料，有肉醬意粉，粟米湯

 

先切洋蔥

 

炒肉醬

 

 

煮茄汁

 

完成

 

加埋芝士粉

 

yummy

 

粟米湯

 

晚餐，下晏仲淨左肉碎，老公留低左夜晚炒埋佢

 

做左味肉碎炒蛋

 

豉汁蒸肉排

 

西生菜

 

大合照

 

 

Save the date

Save the date

話說Honey想整張Save the date放上Facebook

呢d粗重功夫當然由我負責啦^^

一向老公響Facebook都唔太活躍

佢的朋友係知道我地會在年尾擺酒

但實際日子唔太清楚

今次佢響facebook出張Save the date就啱哂喇~

大家留意下我個從未曝光的wedding logo

漂亮嗎，哈哈~

呢張野老公好鐘意，仲放左響手機桌面^^