新加坡@2011聖誕(上)

WOW~~寫返上年聖誕節出發的新加坡篇，而家唔寫唔知幾時先寫到

連續兩年的聖誕節都在新加坡渡過，都係住同一間酒店Marina Bay Sands

今次都係一樣25號早上機，28號晚機返，足足去左4日4夜

我同老公都非常愛到新加坡自由行

今次我地去沒有計劃任何行程

真真正正的享受假期

老公話今年聖誕會再去


8點機，我地好早就出門口喇，去到機場check in後慢慢嘆早餐

3個幾鐘機食下野睇下電視好快過

飛機早餐

落機一出機場有酒店免費車往返，好方便

用左兩年的旅遊書

就係呢間Marina Bay Sands Hotel，大家睇下夜景幾令，呢張相我第2晚響對面酒店位於72樓食晚飯影的(下篇再講)

呢隻房係Premier





響度住左4日3夜

有個露台

有浸浴同淋浴

Premier房係大d，有兩個洗手盤一人一個唔洗爭

Marina Bay Sands Hotel最大的賣點係位於57樓的游池，好美的，我都有游呀




泳池夜景，好美

今次旅遊去左d比較出名的食店，分別響旅遊書或上網找的，我會分開兩篇寫，第一日的午餐去左文東記食海南雞飯，

本來覺得好好味，但當我第3晚去左文華酒店食海南雞飯後，這個即刻比下去了

午餐來說算豐富吧，半隻海南雞、黃金豆腐、炒菜、例湯加一人一碗油飯，記憶好像食了港幣兩百多元







Day 1 晚上去左"無招牌"的好出名的胡椒蟹




好熱鬧

就係呢隻胡椒蟹，我睇返相又想飛去食喇，可惜太辣，老公唔啱食

蒸勝子

奶油龍蝦，好正

 

仲有炒菜，呢間無招牌好味呀，記憶好像食了港幣千多元


待續.....

超失敗的晚餐

新鮮滾熱辣的網誌

是昨晚我煮的晚餐

由菜式配搭到煮果方面通通差差差

連個湯都咸咸咸

我老公愈食面口愈來愈差

又投訴無肉送唔到飯，仲有全部都是有骨的餸，唔啱佢胃口

我真係要改善下，今個星期無機會煮喇

今晚回奶奶家食，星期3-4老公有飯局，星期5老公開會，星期6-日我地要去街

要等到下星期我先有得再改善過lu

好喇，講多無謂，去相


枸杞瘦肉豬潤湯
第一次煲，我見街市枸杞幾令咪買左10蚊，我記得老公話鐘意飲
評語 : 豬潤切得太厚，今餐我諗住呢個湯有菜無另外再買，但煲湯後菜縮得太小唔夠食，下鹽太多好咸

上星期電視教花雕蛋白蒸蟹，我見幾簡單又跟住整，劏蟹最難開左蓋

用左半小時才劏好的蟹，劏完後佢d脚比我整甩哂

衰的原因 : d蛋白蒸唔熟，仲有老公話我買得太細隻，佢鐘意啖啖肉

蒸金古
衰的原因 : 條魚太細，老公唔夠肉食

午餐肉炒蛋

好在雪櫃有三塊午餐肉的淨，仰有蒸蟹用淨的蛋王，如果唔係今餐老公真係會無肉食

好喇，呢餐我太緊張第一次煮的蒸蟹，忽略左肉類的問題，吸取經驗，下次做好d啦^^

簡單的一餐

 

上星期我家大人好忙呀

只有一晚的時間在家吃

咁我做太太當然要比心機做好呢份工

上星期某天臨出門老公話今晚返來食，你煮蒸雞脾同潤腸

呵呵，蒸雞脾已成為我的拿手小菜，老公超愛啊

又要多謝我的好bolg友小高的好介紹喇，hehe




煲左大人超愛的番茄薯仔大眼雞湯，好好飲





出鏡好高的雞脾

豆角炒牛肉，牛肉係我醃老公負責炒，老公話鐘意食呢隻牛角^^

驚豆角唔夠食，雪櫃仲有幾條菜心灼埋佢

仲有條潤腸

大合照，今晚老公食了兩碗半飯，仲讚我煮得好，唔知佢係咪睇到我之前打的網誌哩，好開心

上星期六的消夜，奄仔凍蟹 (外賣)

巴黎倫敦蜜月之旅@籌備2

為左蜜月之旅影多d靚相，昨晚同老公買左部新相機

舊果部用左3年幾，係時候退休喇

我唔識玩相機，簡簡單單便可

都睇左一段時間

最後聽sales推介揀左呢部

OLYMPUS  XZ-1

HK$3346

呢部影日夜景都幾好

歐洲之旅靠哂你喇

巴黎倫敦蜜月之旅@籌備1

先多謝我最愛的老公帶我衝出亞洲  

向歐洲出發

婚後我地去了4天星加坡，當然我唔會當果次係蜜月之旅啦

3月尾我地會去歐洲旅行

好開心，我最遠都只係去過星加坡

今次會去的目的地係巴黎同倫敦，大約會去10日

我地兩公婆去自由行呀，我倆都係第一次去呢個地方，呢個回憶係屬於我倆的

巴黎主要係觀光

去倫敦係睇我發夢都想現場睇的英超足球(我同老公都係足球迷)

機票同酒店老公已搞惦哂，仲有波飛同埋倫敦的行程都係老公安排

而我就負責安排在巴黎5天的行程



我買左5本旅遊書，預計下星期會有初稿的行程交比老公

仲有唔夠一個月就出發喇，超期待呀

好勤力之煮煮煮

 

 

上星期好勤力煮左4日

一來為左歐洲之旅費要節儉d，二來在家食都好開心好自在

有時老公會開返支紅酒飲下，好正

其實我的煮野食仲要好好改善，我老公係要求好高的人

煲飯如果唔合佢心水佢會要求我煲過(佢喜歡食軟飯)

雖然係用飯煲，要下多少水我煮了好多次才合佢標準

我的炒工係唔合格的，仲有灼菜都係做唔到佢要求

唔知點解我灼菜一定煮唔到老公果種爽爽脆脆

我灼的是會好梅好淋，我已經偷師很多次，但都係未找出原因

所以有好多時當我要炒餸或灼菜我都會留返比老公煮，我暫時蒸野係最有信心


星期日的午餐，老公煮的，因為無菜所以緑埋紅羅白仔

星期一老公話喉嚨乾乾咁，我煲左西洋菜陳腎豬西施骨，唔多合格，佢話未夠火候，下次要煲耐d

煎餃魚，合格，老公話下次可以落少d油煎

薑蔥蠔，我買左本地蠔，都幾有蠔味，呢味我無信心，所以我整好哂其他餸最後由老公煮呢味

大合照，最高果碟係早一日去飲食淨的乳豬，我打包左回來咁煎埋
佢，呢餐老公話合格^^

星期二，大人話唔想食飯清清地想食湯米粉，我去左買兩隻新鮮雞脾薑汁蒸，呢味係響blog友小高處學，
自從學識後我諗大大話話都有煮過十次，我蒸得好好味，hehe

菜心炒牛肉係我醃的，之後我無咩信心炒，叫左老公幫我炒，可惜d牛肉完全無味，
我醃得唔夠好，老公話我問題係老抽同豉油仲有生粉都唔夠，噢...下次再煮過

大合照，好在隻雞脾搶返唔少分








星期三，感動的一餐，三餸一湯，老公讚我呀，佢仲添飯呀，雖然全餐仲有一味唔係我煮，
老公食得開心我都好有滿足感


先黎節瓜咸旦滾肉片湯，好濃好夠味(係賣咸旦果個阿姐教我一開始就要將個咸旦黃一齊滾)，
呀大人話合格，老公大人佢係好鐘意d湯夠溶夠濃

薑蔥蒸黃立倉，蒸8分鐘剛好，呀大人成條食哂來送飯，反而我最鐘意啜骨，我地真係好鬼夾^^






白灼海蝦，係我買比大人食的，買左半斤，海蝦同養蝦真係無得比，又爽又彈真係好正




洋蔥叉燒炒旦，本來我驚唔夠肉，買左$15叉燒加料，老公大人回來見到就叫我切d洋蔥比佢炒旦

大合照，我見d湯有節瓜就無買菜，老公呢餐食得好開心

星期五，天氣轉涼，呀大人話想打邊爐，我做太太當然即時做野啦


當然唔少得肥牛肉

白蟮，我買左半條$132，當然食唔哂，個老闆話一定要買半條，我比老公鬧呀，因為個魚佬切得唔好超多魚骨，
我下次一定唔會幫襯呢檔

老公至愛的桶蠔

大蜆，我買左十粒，有4粒做左湯底

炸魚皮

菜

腸仔、龍蝦丸、九菜餃每樣少少




湯底係蕃茄薯仔粟米，今次第一次落蕃膏，好搞笑原來我用個湯煲係先滾湯再轉煲，點知呀大人話唔洗轉直接用大煲打，又幾好因為夠大

開左支紅酒






大合照，超滿足




我會繼續努力，煮多d比我最愛的老公食啊，加油!!!

倆口子的團年飯@2012

寫返兔年最後一日先

連續第5年了，連續第5年的這一天老公都會來同我去我地擺酒的酒樓食團年飯

彩晶軒

其實我倆的愛情是由5年前的團年飯開始的，哈哈

仲要每年都一定要有蛋白蒸蟹，因為我地第一年食的團年飯是有蟹的

呢個習慣已成為我倆的習俗


就係呢隻蟹見證著我們開始的

果皮蒸飽魚

發財好事湯

仲有炒菜，仲開左支紅酒，食到成十一點先返家，我同老公的話題講極都唔完，太開心了




回到家，老公就派利是比我喇，呢個習慣又係第5年喇，呢個利是封老公仲有幾十個，佢話全部都係預留每年派給我的

mark低左2012年