我準備的年廿八團年飯

蛇年第一篇BLOG

祝各位BLOG友新春大吉、蛇年行好運

呢個新年玩得好開心呀，老公由年廿八已經開始放假

我地由年廿九玩到初八

日日都好精彩

下篇要整篇新年雜錦分享下

好喇，講返年廿八的團年飯先

當日奶奶同二嫂連同我地兩公婆共5人響我家做節

其實男家齊人之前已經做左節

咁我預左自己年廿八都會在家煮餐慶團年

咁就請埋奶奶上黎食，人多仲熱鬧

我為左呢餐飯都準備左好耐

雖說我外表好似好新潮，但其實我係一個非常傳統的女人

大時大節我會預備得好豐富

食過豐富團年飯，全年都會豐衣足食

本身我都想全餐飯都由我下廚

老公唔放心呀，最後只有雞鮑翅由我主理

老公當日都拎假一早九點陪我買餸

新鮮雞要早D買


第一味

青邊飽魚雞煲翅

新鮮雞一隻





我去左上環買的急凍翅

青邊鮑一隻

瘦肉

金華火腿




薑




急凍翅要加紹酒蒸15分鐘




蒸完沖沖水就用得




我覺得好正




飲得喇，YUMMY




青邊鮑切片食




隻雞都好正



第4味

海參拼吉鮑




海參同吉鮑都係上次朋友送比我，好美味呀

 

 

先用上湯炆海參，臨食之前加埋鮑魚就食得喇

第三味

發財好事

仲有老公拎回來的拜神燒肉

我加埋落去煮

冬菇我早一晚就浸定喇




仲有我第一次煮的發菜

 

兩樣炆餸我下午已炆好

放入煲仔臨食一加熱就食得

第四味

哈哈大笑

第五味

清蒸老虎斑

 

第六味

生財

甜品

團圓

湯圓係老公買回來佢煲，湯底係用豆漿，估唔到咁夾

好好味呀

雖然屋企無人黎拜年

屋企我都會準備賀年野

自己同老公見到都好開心，好有節日氣氛

D花花係老公買同插架

呢棵蘭花係二嫂送

呢餐飯大家都食得好開心

我的朋友大多會覺得驚訝

現在的我會煮傳統飯菜

連雞鮑翅都會去整

雞鮑翅係老公鐘意食

但今次始終係急凍翅，下次我會買翅返黎自己發

呢D傳統菜式全部都係問我的前輩好友學返黎

我想煮咩唔識都會請教她們

成曰都打電話問功課

有時買海味會問下鋪頭D人點煮

學到好多野架

兩公婆合力煮一頓團年飯真係好幸福

好幸福


　

馬卡龍我終於成功了

馬卡龍

我成功喇

我終於成功喇

經歷了7次失敗

第8次.....係第8次

我終於成功在家焗出馬卡龍

真的很難

足足兩個星期不停研究食譜

睇書...上網研究，從失敗中學習

其實我在一年前出外學過一次

唔知點解，在家係好難焗

因為馬卡龍對爐溫係好敏感

因此要對爐溫掌握得好好

其實佢的工序係好少

但失敗率係非常高




去相

第一次失敗

 

焗到爆哂



原因係我打蛋白打得唔夠



*****


第2次





焗完似雞仔餅

完全唔合格

*****


第3次

試下整朱古力味

本來我係以為今次會成功

準備入爐

唔得呀

爐溫太高，所以個面裂哂

加上爐唔到裙邊

食落係乾爭爭

又係失敗之作



再接再厲

****


第4次

入左爐喇

今次試左先焗上火再開下火

依......有裙邊

但.....個樣係慘不忍睹

應該係伴入時出左問題

*****


第5次

去左烘焙店買左塊矽膠墊

焗完了

都唔知似咩

今次我無分開上火下火就無裙邊

即是話...我要分開上下火才能有裙邊

*****



黎到呢度

點解我會仲唔放棄????

我老公有叫我唔好再浪費時間

有朋友提議我出外再學過

我唔想.....

我曾在blog都有提過

我學烘焙的原因係我要改善自己....做事永遠係3分鐘...

無耐性....

我唔敢講自己做緊d咩大事

雖然只是一粒馬卡龍

我都唔想未成功就放棄

或者....我真係進步了

因為.....

終於.....

黎到第8次.....

我今次用左新食譜

下次我再做都係成功的話

我會同大家分享食譜

先將杏仁粉同糖霜篩好

打好蛋白霜

今之似樣喇

加入士多啤梨香油

伴入粉類

我分別用左一半係唧在不痴布

另一半唧左矽膠墊

分開上下火焗，今次...

矽膠墊同不痴布都成功了

出爐一刻

我好感動

好想大叫

我成功了






中間的餡我用左buttercream

除左成功焗出裙邊

口感方面

係能夠做出馬卡龍的外脆內軟

好味啊








後記

一粒小小的馬卡龍令我有好深的感受

我唔知邊度走出來的勇氣或耐性

我居然會失敗了7次都再去嘗試

我愛上烘焙

更加愛現在的自己

不怕失敗、勇於嘗試

希望未來的日子

無論做人...或是做餅

我都能夠有耐性去處理任何事

這些都是做餅帶給我的領誤

只要肯去學，一定會成功

 

本週食過咩

 

接近過年真係幾乎晚晚都有飯局

所以呢一有機會我都會煲湯煮餐飯比老公食

但全星期都只係有一日空擋

今星期我想記錄一下


****


星期一

全星期老公就係得呢一日響屋企食

我煲左西洋菜陳腎豬踭

老公話有一百分

好好味呀，夠哂火喉



豉油蝦

老公煮的番茄豬扒，我仲未煮得惦呢味....所以要老公下廚


仲有炒豆角

******


星期二

老公話好耐無同我二人世界出去食飯

去左OUTBACK

叫左塊扒

另外仲有塊意粉

*****


星期三

同老公仲有佢兩個朋友去左旺角火鍋團年

*****


星期四

老公同朋友晚飯團年

我就同好朋友去左佐敦老趙團年



生牛河

*****


星期五

下午我同好朋友去飲茶

好友送我的過年禮物

仲細心到將海參發好哂方便我過年煮黎食

太感動了

嘻嘻....其實我當日都送左車輪鮑魚比佢過年

大家都係送鮑魚好橋




晚上老公工作

我一個人自己煮

雪櫃仲有冷飯炒埋佢

*****

星期六

同老公去左好友家火鍋團年

 

****

明晚星期日會同男家外出食飯團年

下星期會同我媽團年

我會在年廿八在家煮團年飯

到時會請埋奶奶上黎食

會煲青邊鮑魚雞煲翅

仲會整海參

我覺得自己愈黎愈叻呀^^