身體健康

一路以來我都好少分享私人事

前陣子我的心情真係好低落

甲亢已經跟左我5年

醫都醫左5年

一路以來我都係睇普通科私家醫生

近兩年一路都控制得好好

響今年2月，醫生說我可嘗試停藥

停藥兩個月後，去完歐洲回來我再去驗血

結果當然係令我失落，停藥短短兩個月度數己急升兩倍

醫生要我覆診再食藥

我好唔開心，亦唔再信我的醫生，老公決定轉醫生

由於當時朋友介紹的專科醫生新症要等兩個星期

我在蘋果日報曾見到嚴浩的專欄有條甲亢配方

上網seach過有好評

就係每日飲川貝煲瘦肉，老公同我都覺得可以試兩星期

飲左兩星期後我再去驗血，結果令我相當害怕

升得好快，已經上升了5倍

而我身體已感到非常唔舒服，心跳手震通通出來了

本來已經係瓜子臉的我...塊臉瘦到"粒"哂

脾氣亦開始差，老公亦受了我唔少氣

我同老公想試下中醫，我決定唔睇西醫住

試中藥兩個星期再去驗血，結果平穩，無差亦無好

中藥我覺得太慢

而當時我覺得好唔舒服，我需要西藥

老公找了一個內分秘專科私家醫生比我睇

呢位醫生好夠經驗，印象唔錯

睇佢令我放心些，我試了呢隻藥已經個多月

身體狀況舒服了很多，心跳手震已經好番好多

食左呢隻藥一個月後，上星期五睇了報告

度數雖然未合格，回落了很多，現在只差一倍

醫生話我首先要令度數合格

慢慢來，唔好心急

雖然食呢隻藥係可以懷孕，但醫生都希望我半年度數平穩後先好懷孕

唔想事情太複雜，呢半年我一定要避孕

其實我點會唔明白，我一路就係知道自己個病，都唔敢話生BB

原先我仲以為2月份停藥後如果係平穩..就開始計劃....

但...

我要努力....努力為我的身體打拼

呢個病一定係長期作戰

有可能我一世都要食藥

我對呢個專科醫生有信心，有佢睇住我個病我好放心些

我已經諗通左，慶幸呢個病食藥係可以控制

在此，我要好多謝我老公

多謝我老公一路以來對我的支持

我發病其間我心跳到失眠發脾氣，未天光6點佢落街買早晨全餐比我食逗我歡喜

老公真係好錫我，我無返工一段時間喇，閒時去跳funcy dance保持心境開朗

仲有會去興趣班，煲湯煮飯比老公食

每日都好充實

老公經常煮我鐘意的餸比我食，最唔舒服期間真係連碗都洗埋

有時我會諗，上天點解要我有呢個病

會唔會比一樣野我，又要我拎走一樣野呢?

即係話...上天派左老公來愛我照顧我...但又要我得一個病...

哈哈...其實都係無聊諗下...

身體健康真係好重要，要珍惜!

其實呢排我已經開朗返哂

打篇文章舒發下，心情好像更加好

下個月我會照超聲波睇下有無瘤響入面，希望一切順利!