巴黎倫敦自由行DAY7(B)

巴黎倫敦自由行 DAY 7



繼續第7日的行程，早上我地參觀完車路士球場

響酒店休息左一陣之後就出去午餐喇

我地行左去富咸地鐵站附近食

由酒店行過去大約15分鐘，都好近

食完午餐我地去左行 Shopping mall

d冬天褸全部做緊特價好抵，老公買左d冬天褸比我，好靚架

倫敦唐人街好多遊人好熱鬧

夜晚我地仲去左全英國最大間的賭場

唔講咁多，開始遊記




參加完TOUR休息左一陣，我地去左附近午飯

天氣仲係好凍，好想飲熱湯




HSBC





去左食越南野

因為老公見到門口寫住有牛肉河吸引入來

正確來講應該係碗牛腩河，叫做有碗湯粉食下唔要求咁多

富咸站

老公又研究下點買票

買左張oyster，好似八達通，臨走果日退回按金

唔記得左響邊個站落，之後去左行mall

好親切的郵筒

我地行完mall，之後去左唐人街

倫敦唐人街都範圍都好大，好熱鬧架

其實當時已經係晚上7點幾，我地就周圍行下搵野食

陶陶居，唔知同澳門果間有無關係呢?

鴻星酒家

基bar

CHINA BUFFET，我見入面都幾旺，好多人食

我在門口望入去，D野食都幾油

見到燒味流口水，唔食呢間，再行下先決定

再行入去見到倫敦華埠牌匾

呢度好好好熱鬧，好多遊人

哈哈.....最後我地決定.....打邊爐呀

天氣對我來說真係幾凍，天氣凍就緊係想打邊爐

所以見到火鍋館我同老公都忍唔住呀

呢間有得散叫或任食，我地揀左散叫





叫左眼見咁多食物，仲有碟菜無影

個湯底係豬骨湯

點講呢，食物唔係太差

湯底都唔太差

但好像欠了什麼???

後來我知喇，原來係無果D混醬呀，只有豉油同辣椒油供應

所以話呢，原來打邊爐混醬係火鍋的靈魂

打完邊爐都成九點，天仲未黑呀

呢條街好多酒吧

當日係復活節假期前夕，好多蒲友蒲BAR

英國最大的賭場就在倫敦

我地兜左好耐好耐都未到，好像行了很久，兜到腳仔軟都未到

之後我見到D人力手拉車，我唔理三七廿一捉老公上車啦

我地講完地址司機開價10磅，照殺






10點天黑了





當車到左時，我同老公都對望了一下，之後緊係大笑啦

原來個賭場就在唐人街旁邊，之前我地都有經過

旅行就係咁得意，兜左咁遠原來搵的地方就在起點...

好喇，講返賭場的情況先，呢間就係全英最大的賭場喇

佢有幾間分店，曼市都有一間，我之後到左曼市都有去過

相比起巴黎果兩間，當然倫敦呢間規模大好多

但千其唔好用澳明賭場比較，真係無得比，澳門勁好多

講返倫敦呢間先，都算幾大，有百家樂、二十點、輪盤、角子機都好似有，當然唔少得現時外國非常流行的Poker

真係唔講得少，我非常認同中國人非常愛賭博

6成客係華人

我在百家樂果邊聽到好多廣東話

我地玩左陣都走喇

響賭場win左少少車費，一於搭的士返酒店，都唔平...成10磅的士費

 

DAY 7 完