奶奶生日蛋糕

上星期二奶奶生日

老公話今年唔想出去食

叫左奶奶來我地家食慶生飯

佢話呢親自下廚煮西餐

就叫我整個士多啤梨蛋糕比奶奶
 
今次我唔想個蛋糕咁單調，想望落去會豐富點

我就用左手指餅圍邊，再用圍上絲帶，即刻靚哂

奶奶見到我親手整的蛋糕當然笑哂好開心啦

咁要求極高的老公都讚我呀

蛋糕美觀，仲有話個蛋糕好好味

我地3個人成個蛋糕食哂

得到讚賞對我黎講係好大的鼓舞

呢個亦都係整蛋糕帶比我的滿足感

未來我希望繼續整好多美麗又好味的作品




今次買左美國士多啤梨




手指餅係可以自己做，但係我今次偷懶，呢包響二記買，甜甜地幾好味

先整海棉蛋糕做餅底

用全蛋法

先打蛋、糖同香酒

大約打3分鐘，見到開始有d一條條的流質就停喇

再加麵粉、奶同牛油溶液




準備入模，今次都係6"




160度焗25分鐘

搞惦，做好餅底喇




打忌廉，今次用淡忌廉加糖，老公話好鐘意呢隻忌廉，佢話甜度剛剛好

但係有問題架，真係溶得好快，響屋企有得雪住就無問題

如果要帶出街驚佢溶得好快，下次都係要用返甜忌廉



打好喇，好似有少少過龍

準備好個架部，準備裝飾喇




蛋糕底切半，下次會試下開三份




第一層

心思思想買個蛋糕轉盤




圍上滿滿的士多啤梨

手指餅太長要cut短少少，整埋條絲帶就搞惦喇

最後我灑上糖霜上面做裝飾

一個平凡的蛋糕變得豐富起來

除左美觀仲好好味架

如果大家要整蛋糕不況參考下

 

 

我都好滿意，下次會用其他食譜整餅底

 

睇埋當晚的食物啦

老公當日專登收早d同我去吉豬島買材料

壽司拼盤

C沙沙律




老公第一次焗薯皮

仲有左煙肉、芝士碎同酸忌廉

我好鐘意食呀

主菜係羊架磨菇汁意粉

好好味呀




甜品當然係蛋糕啦