新一年祝大家新年快樂、新年進步、身體健康
我從曼谷回來喇，曼谷之行輕輕鬆鬆好開心啊
返來幾天我同老公水土唔係幾習慣，胃口麻麻地
可能一下子由好熱的地方返來又好凍
不過呢現在已經正常返喇
講返除夕當晚
以往都會出外慶祝
今年呢就選擇兩口子在家打下邊爐靜靜地過
我當日4點落街市買海鮮
好多人搶買..太誇張了
幸好我都買到，比平時貴左兩成呀
無所謂啦，今餐要食得豐富D拎個豐衣足食的意頭
我整左個豐富海鮮盤啊
有魚腩、大硯、桶蠔、帶子
牛頸脊
紅蟹
什丸
番茄薯仔粟米大眼雞做湯底
豬潤
魚皮
仲有老公帶回來的花花
十二點有煙花看啊，我家房外看到少少
老公攬住我一齊倒數睇煙花
只要兩口子一起，去邊度過都係一樣喇
希望2013年老公工作順利、身健健康、繼續開開心心甜蜜蜜
希望今年生個小蛇仔
嘻嘻
除夕當晚真係兩個都無胃口，食淨一大半
元旦日繼續，胃口大佳，全部清哂
新年快樂
祝大家今年都願望成真
海迪~ happy new year!!!!
回覆刪除[版主回覆01/03/2013 23:37:36]小洚，HAPPY NEW YEAR
恭賀說話唔怕多，祝妳今年一切順利、身體健康，感情生活愉快、工作順利
海迪，新年快樂！新一年小高祝願你們兩口子繼續恩愛如昔，幸福滿滿，最緊要是身體健康！
回覆刪除另外，更祝願你們心想事成，生番個肥肥白白的小蛇仔 / 囡，一家幾口幸福常滿！
認同，平安夜出城買菜，d材料貴左好多，特別係海鮮，小高仲豬左！桶蠔買貴了 ~ ><
不過點都平過出去食，而且在家吃又舒服，仲可以慢慢歎！抵返 ~
有煙火及愛人相伴，這一年會過得更不錯！
[小高回覆01/04/2013 14:05:58]海迪，you are so sweet ！
連小高爸媽都兼顧埋，小高真係要鍚哂你！伯友都係一定健康快樂！
乖啦！少吃多滋味，仲有矮都要少吃！^^
在家千日好，一桌美食都係六百多，抵！最重要係吃滿滿可以懶洋洋躲在沙發！ + 發呆都得，哈哈！
[版主回覆01/03/2013 23:44:36]小高，新年快樂！！多謝妳的祝福，全部收到哂
恭賀說話唔怕多，我都繼續口水多，祝小高今年事事順景，工作愉快，身體健康，婚姻美滿，世伯伯友身體健康
我呢餐除多火鍋買左6百幾，比平時貴左2成，當日買海鮮真係誇張，D蝦同蟹我搶返黎架，我有聽妳話少食蟹，呢兩隻我HONEY食架(HEHE我記得架)
係呀，如果果日出外食西餐一定唔只六百幾
打邊爐呀~~~~好豐富呢....引到我好想食喔。。。^^
回覆刪除e...e....好幸福喔，在家可以睇到煙花 ^^
新一年，祝你心想事成，甜甜蜜蜜，想果樣有果樣 ^^
[版主回覆01/03/2013 23:35:01]Sammi,Happy new yearrrr~好快妳同honey的愛情結晶品就會出世喇，好登妳地開心呀
妳要忍下口少d打邊爐啊，BB出世後先食返夠本
好豐富的邊爐呀!!! 正呀~~~祝你2013年願望成真呀....
回覆刪除