沙巴遊@DAY 1

5月中的時候同老公去左沙巴4日3夜

今次去沙巴真係好開心呀

唔係話玩左D咩令到我地好開心

而係個感覺

沙巴比我的感覺好舒服、好乾淨、好寧靜

風土人情好好

去旅行都係追求心情放鬆

忘記香港生活上的急速

所以呢，今次都係輕輕鬆鬆的旅遊

都係自由行

早機去、午機返

4日都足夠喇

今次係呢頭話去旅行，兩星期後就出發喇


唔少得要帶定本旅遊書

老公響香港已經BOOK好哂當地的旅地團

約好哂邊日去邊，當地旅行社有車來酒店接我地

去到當地都係十二點未夠，酒店會舉牌接機

有車送我地返酒店

我地住Hyatt Regency Kinabalu

乾淨、舒適、地點方便

房間係向海

訂房的時候已經注明必須要向海


CHECK IN後就出發喇

今日JOIN左個團睇長鼻猴同營火蟲

約好左當地旅行社一點鐘出發

呢間旅行社服務超好

仲有個導遊係識講流利廣東話同國語

但我忘了係咩名

我要問一問老公(DAY 4果篇我再寫出來)

出發前先響酒店的酒樓食晏先



一點鐘車就準時到喇

架車會兜埋其他酒店的團友上車

當日我地果車都滿呀

大約有二十幾人

當中有香港人同台灣人

都幾開心架，唔洗用腦

我同老公一上車就瞓著

去睇長鼻猴都要兩個幾鐘車程

中途停車去飲下野同食串燒(包埋架)

我呢杯係咖啡溝朱古力(好飲)

醬汁係靈魂

雞同牛肉，好正啊


呢個牛骨湯另多比錢，導遊推介架，好好飲啊

呢個影下相咋，無食

經過兩個幾鐘的車程就到左喇

準備坐大飛睇長鼻猴

先穿上救生衣

原來要坐響大飛上周圍搵長鼻猴的踪影

都開得幾快，好刺激

導遊會兩個人派個望遠鏡睇長鼻猴


兜呀兜，毛都未見到條

搵到喇，你地見到嗎?


黎多隻



睇完長鼻猴

我地就要得到夜晚黑哂先去睇營光蟲

導遊先帶我地去晚餐(包埋架)

去食當地的特式野

幾好味架

甜品好好味呀

天黑哂就坐返隻大飛出發去睇營光蟲

好多好多營光蟲

但我一條都影唔到

完全曝唔到光架

都係影到黑哂

都係果句，係有好多好多營光蟲睇到

呀......好似D聖誕燈響棵聖誕樹上閃閃下咁，幾靚

坐返車出到來都成十點幾

原來旅遊車係送我地返酒店

但我地要去食海鮮，所以就響雙天放低我地喇

不得了喇

好多海鮮呀，又平又抵食

一定要叫係老虎蝦，唔食對唔住自己呀

好大隻呀


吉仔冰

奶油老虎蝦

好食，家下打BLOG我又流哂口水


豉油皇老虎蝦，都好正


我的至愛，黑故椒蟹


炒沙巴菜

呢餐食左幾百蚊港紙，抵呀

甜品係沙巴特產雪條

我覺得好好味呀

榴槤味係最最最好味呀

如果我再去沙巴我係為左雪條同老虎蝦
 



DAY 1完

原來一次過打一日係花時間D

多謝支持啊

DAY 2會響市內食下特式野同四處行下

待續.......