沙巴遊@DAY 2

來到沙巴DAY 2的行程

今日的行程係主要hea

周圍行下食下

之前果晚成十二點先返到酒店休息

所以第2日我地無落去酒店食自助早餐

瞓到11點就出去搵野食



我地住果度好近加雅街

先行去食雞飯


個金子塔油飯好特別

我地預左會去試多幾間食店

所以只係叫左一碟飯兩份食

好味啊



拉茶

好多員工啊

 

食飽飽就行下

行左去怡豐

我食喇沙+吉水

老公食牛什麵+o茶

仲有雞蛋+多士

好味啊

食飽又周圍行下

萬寧有可愛杯子，好想買返屋企啊

見到雪條又忍唔住

今次食紅豆味

呢個trip我試唔哂咁多隻味啊

我見有好多人都會一箱二箱買返香港

我都好想啊

問左老公好多次都話唔比

佢唔想我食咁多生冷野><

繼續周圍行下，行商場

行到開始累

我地就行返酒店休息喇


酒店泳池

我地無落去游，事關明天會去玩水上活動

響房休息下都好舒服



休息完我地見天氣好

就落去酒店附近的海旁行下



經過漁市場

呢個市場夜晚好熱鬧

 

 

行行下見到呢個甜品吸引住

哇，一試難忘

用D24榴槤整的冰凍炸榴槤

外脆內冰凍

口感好正

連平時完全唔食榴槤的老公都隊左件

食完甜品又行下見肚餓

入左間食店食麵(忘記了店名)

呢個咖哩麵好正啊

又行到累喇，我地行返酒店休息

響房間睇日落


很relax的感覺


去旅行都係想ralex下

留響房睇下日落都係一種享受

 
美呀

響房休息到晚上我地就出去晚飯喇

經過見到賣串燒的地方

我幫襯左條小腸仔


本來行左去非常出名的大茄來

我覺得一D都唔吸引

都係昨天的雙天好像好D

7點幾好多海鮮都賣哂

我地決定返雙天食

都係呢度好

好熱鬧呀

椰青

炒通菜

炒螺片

上湯龍蝦伊麵

平時響香港食的通常係澳洲龍

呢隻係青龍比較少食到，啖啖肉好正啊

叫左兩隻肉蟹

其實一隻係唔新鮮...無咩肉的

但我都食左

咁後來我食完同左個員工講

咁佢見到隻蟹D肉真係唔飽滿

佢就話哎呀....如果係未食哂同我講我會換比你架

之後到到我地話埋單的時候

佢就行黎講碟蟹打左半價比我地

我覺得服務唔錯啊

要讚

 


DAY 2的行程輕輕鬆鬆完結

DAY 3的行程係水上活動

待續......